Na zapraŭcy pad Minskam kavu nalivaje robat-barysta. Nakolki heta zručna?
Na adnoj z AZS «A-100» u Navadvorskim sielsaviecie pad Minskam źjaviŭsia aŭtamat z robatam-barystam, jaki sam hatuje kavu i navat maluje łate-art na piency. Unutry ŭstanoŭki jość kavamašyna, aparat dla malunkaŭ i miechaničnaja ruka, jakaja robić uvieś praces — ad padstaŭlańnia kubačka da padačy napoju, piša pristalica.by.
U mieniu nie vielmi šmat pazicyj: amierykana, łate, kapučyna, espresa i fłet-uajt, a taksama šakaładny napoj. Karystalnik moža vybrać cukar, tempieraturu, krepaść i navat malunak na piency.
Žurnalisty sami paprasili robata-barystu pryhatavać łate i šakaład. Kava hatujecca prykładna za dźvie chviliny, pry hetym sam praces vyhladaje jak nievialikaje šou. Malunak na łate atrymaŭsia akuratny, ale sam napoj pa smaku akazaŭsia zvyčajnym, jak z aŭtamata. Šakaład, naadvarot, spadabaŭsia bolš — jon atrymaŭsia nasyčany i pryjemny.
Ź minusaŭ adznačyli składanaje i pierahružanaje mieniu — šmat naład, u jakich nie adrazu raźbiarešsia, i časam praściej zamović kavu ŭ žyvoha barysty.
Košt usich napojaŭ adnolkavy — 6,50 rubla, apłata adbyvajecca na kasie zapraŭki. Abjom kala 240 mł.
Pa vyniku adznačajecca, što ŭ cełym heta cikavy vopyt i zabava, ale dla tych, chto šukaje sapraŭdy jakasnuju kavu, lepš vybrać zvyčajnyja kaviarni.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami32
Kamientary
Vrodie ž pobiedili etu buržujskuju privyčku!)