Premjer Łatvii: U Zialenskaha zastaŭsia adzin sajuźnik — jeŭrapiejcy
U prezidenta Ukrainy zastaŭsia tolki adzin chaŭruśnik — Jeŭropa, zajaviŭ u intervju Bloomberg TV premjer-ministr Łatvii na fonie abvastreńnia adnosinaŭ Kijeva z Vašynhtonam.
Andrys Kułbierhs, fota kancylaryja premjera Łatvii
«My bačym, što ŭ Zialenskaha ciapier zastaŭsia tolki adzin sajuźnik — jeŭrapiejcy», — skazaŭ kiraŭnik łatvijskaha ŭrada.
Pavodle jaho słoŭ, na sustrečy ź Zialenskim, jakaja pavinna adbycca ŭ piatnicu, 16 kastryčnika, u Brusieli, lidary Jeŭrasajuza abmiarkujuć patreby Ukrainy na budučuju zimu.
Łatvijski premjer nazvaŭ patreby Kijeva «samym važnym» pytańniem, jakoje buduć abmiarkoŭvać.
«Usio zaležyć ad hetaj zimy», — adznačyŭ Kułbierhs.
Čytajcie taksama:
«Jon nie choča damaŭlacca»: Tramp zajaviŭ, što nie choča mieć spraŭ ź Zialenskim
Stała viadoma, adkul pastupiŭ zahad abmiežavać Starshield dla Ukrainy