Jašče kala 400 hiektaraŭ ziamli na Homielščynie bolš nie ličacca radyjeaktyŭnymi
Kala 374 hiektaraŭ ziamli ŭ piaci rajonach Homielskaj vobłaści vyklučyli sa śpisu radyjacyjna niebiaśpiečnych terytoryj zony adčužeńnia. Adpaviednuju pastanovu padpisaŭ premjer-ministr Biełarusi Alaksandr Turčyn.
Zdymak ilustracyjny. Fota: «Naša Niva»
Źmieny zakranajuć učastki ŭ Brahinskim, Buda-Kašaloŭskim, Vietkaŭskim, Mazyrskim i Čačerskim rajonach. Ciapier hetyja ziemli možna budzie znoŭ vykarystoŭvać u haspadarčych metach. Pry hetym pradukcyja, vyrablenaja na ich, jak zapeŭnivajecca, budzie prachodzić radyjacyjny kantrol.
Pastanova ŭstupaje ŭ siłu z dnia jaje pryniaćcia.
U Biełarusi ŭžo niekalki hadoŭ pravodziać pierahlad terytoryj, jakija raniej pryznali radyjacyjna niebiaśpiečnymi. U krasaviku 2026 hoda sa zony adčužeńnia vyklučyli bolš za 940 hiektaraŭ ziamli ŭ dziesiaci rajonach Homielskaj vobłaści.
Adnačasova niekatoryja ŭčastki ŭ Brahinskim i Vietkaŭskim rajonach, ahulnaja płošča jakich składaje kala 378,7 hiektara, naadvarot, pryznali radyjacyjna niebiaśpiečnymi, dazvoliŭšy tolki abmiežavanaje haspadarčaje vykarystańnie.
Čytajcie taksama:
Homiel, Łuniniec, Lelčycy i Iŭje bolš nie ličacca radyjeaktyŭnymi
Čynoŭnik patłumačyŭ, čamu nielha rabić jadzierny mohilnik u Astravieckim rajonie
Amal paŭtary tysiačy hiektaraŭ na Homielščynie bolš nie buduć ličycca radyjacyjna niebiaśpiečnymi