Всеволод Стебурако. Што сніцца старому сабаку? Стихотворение

Всеволод Стебурако опубликовал в фейсбуке новое стихотворение.

***

Што сніцца старому сабаку? —

Шчанячая маладосць —

дзе ў лапах бясконцая сіла,

і зноў шаўкавіцца поўсць.

Яго абдымае вецер

і пах веснавой травы,

і крочыць з ім па планеце

яго гаспадар малады.

У пашчы — бліскучыя іклы,

танчэйшыя нюх і слых —

ён лепшы сабака ў свеце

і самы адважны з усіх!

І ўсё яшчэ ў самым пачатку —

дарогі, лугі і лясы,

шпацыр да салодкае стомы

і смачны скрылёк кілбасы.

Усё мроіцца гэта старэчы

і ён пасміхаецца ў сне…

сабачыя простыя рэчы

Дай Бог зразумець і мне.

Комментарии к статье