Usievaład Ścieburaka. Što śnicca staromu sabaku? Vierš

Usievaład Ścieburaka apublikavaŭ u fejsbuku novy vierš.

***

Što śnicca staromu sabaku? —
Ščaniačaja maładość —
dzie ŭ łapach biaskoncaja siła,
i znoŭ šaŭkavicca poŭść.

Jaho abdymaje viecier
i pach viesnavoj travy,
i kročyć ź im pa płaniecie
jaho haspadar małady.

U paščy — bliskučyja ikły,
tančejšyja niuch i słych —
jon lepšy sabaka ŭ śviecie
i samy advažny z usich!

I ŭsio jašče ŭ samym pačatku —
darohi, łuhi i lasy,
špacyr da sałodkaje stomy
i smačny skrylok kiłbasy.

Usio mroicca heta starečy
i jon paśmichajecca ŭ śnie…
sabačyja prostyja rečy
Daj Boh zrazumieć i mnie.

Kamientary da artykuła