Alaksandr Kosiniec vyzvaleny ad pasady kiraŭnika Administracyi prezidenta Biełarusi ŭ suviazi ź pierachodam na inšuju pracu. Adpaviedny ŭkaz kiraŭnik dziaržavy Alaksandr Łukašenka padpisaŭ 5 śniežnia, paviedamlaje pres-słužba prezidenta.
Adnačasova Alaksandr Łukašenka vyzvaliŭ Kanstancina Martynieckaha ad pasady pieršaha namieśnika kiraŭnika Administracyi ŭ suviazi ź pierachodam na inšuju pracu.
Vykanaŭcam abaviazkaŭ kiraŭnika Administracyi prezidenta pryznačany Valeryj Mickievič. Raniej jon pracavaŭ namieśnikam kiraŭnika Administracyi.
52-hadovy Valeryj Vacłavavič Mickievič pachodzić ź Lidy (Hrodzienskaja vobłaść). Univiersitet jon skončyŭ u 25 hadoŭ. Paśla hetaha pracavaŭ jak stažor sudździ, v.a. sudździ. Na pasadzie namieśnika ministra justycyi pryjšoŭ u 2001 z pasady staršyni suda Minskaha rajona. Namieśnikam kiraŭnika Administracyi staŭ u 2009. U prezidentury jon kuryravaŭ zakanatvorčuju dziejnaść.
57-hadovy Alaksandr Kosiniec adpracavaŭ na pasadzie kiraŭnika Administracyi trochi mienš za 2 hady. Da taho jon byŭ kiraŭnikom Viciebskaha abłvykankama, vice-premjeram i rektaram Viciebskaha ŭniviersiteta.
Čytajcie taksama: Alaksandr Kosiniec: jak chirurh ź Viciebska staŭ pieršaj asobaj u Administracyi prezidenta
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary