Navukoŭcy z brytanskaha Kuodremskaha instytuta bijałahičnych navuk paviedamili, što pierad śmierciu ruski piśmieńnik i dramaturh Anton Čechaŭ chvareŭ na suchoty, adnak pamior chutčej za ŭsio ad krovaźlićcia ŭ mozh. Pra heta raspavioŭ adzin z navukoŭcaŭ, jakija pravodzili daśledavańnie, Hleb Ziłbierštejn, paviedamlaje The Times.
Jak adznačaje vydańnie, hrupa navukoŭcaŭ praviała daśledavańnie kašuli Čechava ź plamami kryvi, jakuju jon nasiŭ u dzień śmierci 15 lipienia 1904 hoda, a taksama jaho piaci listoŭ i paštovak. U vyniku byli znojdzienyja vosiem prateinaŭ, jakija paćvierdzili prysutnaść mikroba, jaki vyklikaje suchoty. Čechaŭ, jaki mieŭ adukacyju doktara, viedaŭ, što jon chvory, i pisaŭ pra heta ŭ svaich tvorach. Akramia taho, navukoŭcy znajšli ślady prateinaŭ, jakija śviedčać ab utvareńni trombaŭ.
«My znajšli ŭ probie z kašuli Čechava mocny markier išemičnaha insultu», — raspavioŭ Ziłbierštejn. Pavodle jaho słoŭ, heta byŭ pratein ITIH4, jaki hienieruje cieła čałavieka ŭ adkaz na traŭmy. «My płanujem pravieści bolš pahłybleny analiz syroha materyjału, kab rekanstrujavać usie mahčymyja chvaroby praz hety vydzieleny pratein», - skazaŭ navukoviec.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy21
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary