U hrodzienskaj kramie ŭ słoiku kansiervavanaha zialonaha harošku zaŭvažyli kałaradskaha žuka
U hrodzienskaj kramie «Jeŭraopt» na praśpiekcie Janki Kupały, 82a, pabačyli kałaradskaha žuka ŭ słoiku kansiervavanaha zialonaha harošku rasijskaj vytvorčaści marki «Junona». Fotazdymki niezvyčajnaj znachodki źjavilisia ŭ sacyjalnych sietkach. Słoik vahoj 720 hramaŭ kaštavaŭ 5,99 rubla, piša Hrodna.life.
Pradstaŭniki handlovaj sietki adreahavali na publikacyju i paviedamili, što pravieryli partyju kansiervaŭ u hetaj kramie. Pa ich słovach, vypadak byŭ adzinkavym parušeńniem jakaści. Słoik z kuzurkaj utylizavali, a pilnamu kupcu padziakavali za ŭvažlivaść.
Adnak niekatoryja karystalniki pastavilisia da takoha tłumačeńnia skieptyčna. Adna z kamientatarak zaŭvažyła, što sietka nie mahła ŭpeŭniena śćviardžać pra adzinkavy vypadak, kali nie pravieryła ŭsie słoiki z partyi. Na jaje dumku, usiu partyju treba było viarnuć pastaŭščyku abo ŭtylizavać.
Znachodka vyklikała šmat žartaŭ u sacyjalnych sietkach. Karystalniki abyhryvali nazvu kansiervaŭ «Junona», žartavali, što žuk byŭ amataram pajeści, i navat nazyvali jaho «amierykanskim špijonam».
Inšyja karystalniki taksama žartavali pra niezvyčajnuju «kamplektacyju» kansiervaŭ, nazyvajučy žuka dadatkam da harniru abo dokazam naturalnaści praduktu. Niekatoryja pryhadali, što sami znachodzili ŭ kansiervavanym harošku božuju karoŭku i vusienia.
Byli i bolš surjoznyja zaŭvahi. Adzin z kamientataraŭ raskrytykavaŭ kantrol jakaści na vytvorčaści, adznačyŭšy, što nasiakomaje pavinny byli znajści i vydalić jašče padčas aŭtamatyčnaha fasavańnia pradukcyi.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu87
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary