Hannu Śmilevič vyklučajuć z Moładzi BNF: «Mandzik šantažuje mianie historyjami asabistaha žyćcia»
«Naša Niva» paviedamlała pra trahikamiedyju, jakaja niadaŭna razyhrałasia na siadzibie Partyi BNF.
Nahadajem, što niechta napisaŭ na došcy «Mandzik (kiraŭnik Moładzi BNF — Red.) ch**ło». Pakryŭdžany Mandzik padumaŭ na minułuju staršyniu Hannu Śmilevič i sabraŭsia vyklučyć jaje z arhanizacyi.
Čytajcie historyju całkam: «Mandzik — ch**ło»: skandał u šerahach Moładzi BNF. Na siadzibu vyklikali milicyju, Hannu Śmilevič vyhaniajuć
Praz tydzień my pacikavilisia, čym skončyłasia historyja.
«Naša Niva» źviarnułasia da Dzianisa Mandzika, jon adkazaŭ praz sacyjalnyja sietki, što «zajavy na vychad Śmilevič pakul nie pisała», a taksama što «niama sensu vyklučać ludziej, jakija ničoha nie robiać».
A voś Hanna Śmilevič traktuje situacyju inačaj. Dziaŭčyna śćviardžaje, što zadała Mandziku pramoje pytańnie: ci vyklučana jana z Moładzi BNF. I atrymała kateharyčnaje «Tak».
«Ja prosta chaču skončyć jak maha chutčej z hetaj historyjaj. Ja ŭsio jašče ŭ Partyi BNF, i mianie heta zadavalniaje. Mahčyma, viarnusia ŭ Moładź BNF, kali tut źjavicca adekvatnaje kiraŭnictva, jakoje nie źmiešvaje asabistaje staŭleńnie sa spravami arhanizacyi», — raskazała Śmilevič pra svaje dalejšyja płany.
Jana dadatkova raspaviała, što paśla taho, jak situacyju pačała aśviatlać «Naša Niva», Mandzik staŭ šantažavać jaje historyjami ź ich asabistaha žyćcia.
My paprasili Dzianisa Mandzika prakamientavać svaju pazicyju i ŭsio ž dać peŭny adkaz. Toj admoviŭsia, prapanavaŭšy dasłać zapyt na Siadzibu BNF.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu84
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary