Snapkoŭ raskazaŭ, ź jakim nastrojem jedzie pracavać pasłom u Kitaj, dzie lutuje karanavirus
Kolkaść pamierłych ad karanavirusa ŭ Kitai pieravaliła za tysiaču čałaviek, zachvarełych užo 43 tysiačy (vyzdaravieła ŭžo 4 tysiač).
Ź jakim maralnym nastrojem u takoj situacyi ŭ Kitaj źbirajecca naš novy pasoł Mikałaj Snapkoŭ? Pra heta «Naša Niva» pacikaviłasia ŭ jaho asabista.
«Nie pahadžusia, što karanavirus lutuje — jon idzie na spad. Nu tak, tysiača čałaviek zahinuła, ale kolki ŭ tym ža Kitai ludziej štohod niezaŭvažna pamiraje ad prostaha hrypu? My nie viedajem pra heta. Situacyja z hetym virusam na kantroli ŭ kiraŭnika krainy. Tamu, u adpaviednaści z ukazam, spakojna jedu vykonvać svaju zadaču. Ničoha nie adkładaju — źbirajusia i jedu», — skazaŭ Snapkoŭ.
U čym jon bačyć svaju hałoŭnuju zadaču ŭ Kitai?
«Prezident pry pryznačeńni vielmi prosta pra heta skazaŭ. Prosta i hłyboka, jak zaŭsiody: palityčnyja i siabroŭskija adnosiny, jakija budujuć lidary krain, pavinny być na mahutnym ekanamičnym padmurku. Vykanać daručeńnie, umacavać hety padmurak i bazu rostu ekanomiki našaj krainy — voś maja zadača», — dadaŭ novy pasoł.
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary