Krynicy: Palikliničnych daktaroŭ i miedsiostraŭ rychtujuć da pieravodu ŭ balnicy
Jak stała viadoma «Našaj Nivie», u niekatorych haradach krainy — dakładna my možam kazać pra Minsk i pra Viciebsk, — piersanał paliklinik rychtujuć da pieravodaŭ u balnicy.
«Nas papiaredzili, što kali nie budzie chapać daktaroŭ u balnicach, to ŭsich terapieŭtaŭ nakirujuć tudy, na pryjomie zastanucca tolki vuzkija śpiecyjalisty, kštałtu aftalmołahaŭ», — skazaŭ nam terapieŭt adnoj sa staličnych paliklinik.
«Majecca na ŭvazie, — dadaŭ jon, — što my budziem pracavać z chvorymi na karanavirus, kali budzie patreba. Ad čaho zaležyć patreba i kali treba budzie vyjazdžać na rabotu ŭ inšaje miesca nam nie paviedamili, pakul što heta była abviestka dla razumieńnia».
U Viciebsku rabotniki paliklinik paviedamili nam pra anałahičnyja zachady. Tam užo nazvany kankretnyja terminy, ale havorka nie pra daktaroŭ.
«Nam pryjšoŭ zahad adpraŭlać z nastupnaha tydnia miedsiostraŭ i sanitarak u stacyjanary na zamienu zachvarełym miedsiostram balnic. Ščyra kažučy, nie ŭsie chočuć, bo šmat piensijanieraŭ. A niekatoryja naadvarot: «My patrebny Radzimie!».
Daktary pakul što pracujuć, ale zabarona na adpačynki», — skazali nam u adnoj ź viciebskich paliklinik.
Viadoma, što niekatoryja viciebskija miedyki zachvareli na karanavirus, ale dakładnaja ličba zaražanych nieviadoma.
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk77
Kamientary