Siońnia prychilniki Cichanoŭskaha ładziać pikiety pa zbory podpisaŭ u 30 haradach
Siońnia prychilniki Cichanoŭskaha ładziać pikiety pa zbory podpisaŭ u 30 haradach.
U Minsku podpisy za Śviatłanu Cichanoŭskuju majuć źbirać u tradycyjnym miescy, kala ŭvachoda ŭ Kamaroŭski rynak, na vulicy Viery Charužaj. U Breście — kala kinateatra «Biełaruś». U Homieli — kala ŭniviermaha «Homiel».
Pikiety majuć adbycca ŭ šmatlikich małych haradach — ad Łuninca (kala «Jeŭraopta» na Błoka, 2) i Naroŭli (la parka, kala Biełarusbanka) na poŭdni da Haradka (kala ŭniviersama) na poŭnačy i Dobruša (na nabiarežnaj) na ŭschodzie.
Časta ŭ tych ža miescach źbirajuć podpisy inšyja alternatyŭnyja kandydaty — Viktar Babaryka, Valeryj Capkała.
Karta anansavanych pikietaŭ pa haradach jość u internecie tut.
Jak paviedamlajuć karespandenty «Našaj Nivy», na pikiecie na Kamaroŭcy da stałoŭ Cichanoŭskaha čarha vystraiłasia ŭžo za 15 chvilin da pačatku zboru. Na pikiet pryjechaŭ taksama kiraŭnik chryścijanskich demakrataŭ Pavieł Sieviaryniec.
Voś videastrymy:
Adnak «pieradvybarčuju kampaniju» ŭłady pastupova pieratvaryli ŭ kampaniju zastrašvańnia aktyvistaŭ «Krainy dla žyćcia» — inicyjatyvy videabłohiera Siarhieja Cichanoŭskaha. Usiaho praz zatrymańni prajšli ŭžo niekalki dziasiatkaŭ čałaviek. Takich pieraškod na etapie zboru podpisaŭ apazicyi ŭ časie raniejšych prezidenckich kampanij nie było.
U toj ža čas pieraškod u pracy zborščykaŭ podpisaŭ za inšych alternatyŭnych kandydataŭ pakul nie fiksavałasia.
Pikiety pa zbory podpisaŭ u mnohich haradach vylilisia ŭ maŭklivuju demanstracyju žadańnia pieramien. Fota i videa vialikich čerhaŭ da stałoŭ, dzie možna pastavić podpis za alternatyŭnych kandydataŭ, u Minsku, Breście, Hrodnie, Homieli, Mahilovie, Viciebsku, Baranavičach, Stoŭbcach, Hłybokim, Lidzie, Vaŭkavysku, Babrujsku, Bierazinie abyšli internet.
Kamientary