Vybary ŭ Polščy: hałoŭnym kankurentam pa 48 hadoŭ, masavy ŭdzieł moładzi daje šancy libierału
Siońnia ŭ Polščy adbyvajecca pieršy tur prezidenckich vybaraŭ.
Sacyjołahi nie sumniajucca, što jon nie vyjavić pieramožcy. U druhi tur vychodziać dziejny prezident, kandydat ad kansiervatyŭnaj partyi PiS Andžej Duda, a taksama Rafał Tšaskoŭski — mer Varšavy i kandydat ad libieralnaj Hramadzianskaj kaalicyi.
Masavy ŭdzieł u vybarach moładzi — ekzit-poły dajuć rost jaŭki ŭ katehoryi 18-29 hadoŭ navat u paŭtara razu bolej proci papiarednich vybaraŭ — daje šancy Tšaskoŭskamu pakazać niakiepski vynik u pieršym tury.
A voś vyniki druhoha tura pradkazać niemahčyma. Jaho vynik mohuć vyrašyć ličanyja hałasy, pakul simpatyi palakaŭ dzielacca amal paroŭnu.
Abodva hałoŭnyja kandydaty — davoli maładyja. I dziejnamu prezidentu, i kandydatu ad apazicyi — pa 48 hadoŭ.
Polšča — u adroźnieńnie ad Biełarusi — demakratyčnaja kraina. Nikoha z kandydataŭ tam nie pasadzili za kraty, a hałasy na vybarach padličvajuć adkryta. Za apošnija 25 hadoŭ Polšča zrabiła vialiki skačok u svaim ekanamičnym i sacyjalnym raźvićci. Na vychadzie z saŭka Biełaruś i Polšča znachodzilisia prykładna na adnym uzroŭni, a ciapier siarednija zarobki ŭ Polščy pieravyšajuć biełaruskija ŭ 2,5 razu, a siarednija dachody siamiej — navat u 3 razy, za košt bolšych sacyjalnych vypłat piensijanieram i dzieciam i bolšych dachodaŭ ad pryvatnaha biznesu.
Abodva hałoŭnyja kandydaty padzialajuć aryjentacyju na Jeŭrasajuz i NATA, ale razychodziacca ŭ staŭleńni da sacyjalnych pytańniaŭ.
Prezident u Polščy maje abmiežavanyja paŭnamoctvy, rola premjera važniejšaja. Adnak libierały spadziajucca, što pieramoha na prezidenckich vybarach prakładzie im darohu da pośpiechu na parłamienckich.
Biełaruskaja palityka Polščy pry libieralnych i kansiervatyŭnych uradach zastavałasia praktyčna niaźmiennaj.
-
Baćki z Kremnijevaj daliny płaciać pa $60 tysiač za škoły biez hadžetaŭ. Čamu jany nie chočuć dla svaich dziaciej technałohij, jakija sami stvarajuć?
-
Prezident Finlandyi raskazaŭ, jakija pasłańni ad Ukrainy pieradaŭ Pucinu padčas razmovy ź im
-
Amierykaniec dva miesiacy nasiŭ u kašalku łatarejny bilet, nie viedajučy, što jon vyjhraŭ miljon
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk77
Kamientary