22 listapada sudździa suda Mahiloŭskaj vobłaści Alena Kartavienka asudziła byłuju studentku Mahiloŭskaha dziaržaŭnaha ŭniviersiteta Danutu Pieradnia da pazbaŭleńnia voli na 6 hadoŭ i 6 miesiacaŭ kałonii va ŭmovach ahulnaha režymu. Dziaŭčynu pryznali vinavataj «u dziejańniach, nakiravanych na pryčynieńnie škody nacyjanalnym intaresam Respubliki Biełaruś» (č. 3 art. 361 KK) i «abrazie Łukašenki» (č. 1 art. 368 KK), piša Mayday.team.
1 lipienia sud Kiraŭskaha rajona ŭžo prysudziŭ Danucie Pieradnia taki ž samy termin. Adnak sud Mahiloŭskaj vobłaści admianiŭ prysud, bo akazałasia, što sprava była niepadsudnaja dla instancyi rajonnaha ŭzroŭniu.
Ale ŭ Biełarusi z hetym usio prosta, i praz amal paŭhoda toj ža Mahiloŭski abłasny sud prosta pradublavaŭ pieršapačatkovy prysud u 6,5 hadoŭ pazbaŭleńnia voli.
Danuta Pieradnia była zatrymanaja siłavikami 28 lutaha 2022 hoda, kali pryjechała na maršrutcy z Kiraŭska ŭ Mahiloŭ. U vinu joj pastavili toje, što jana 27 lutaha pierapościła ŭ adzin z mahiloŭskich čataŭ tekst, u jakim u rezkaj formie krytykavalisia dziejańni Uładzimira Pucina i Alaksandra Łukašenki pa raźviazvańni vajny va Ukrainie. Taksama tam utrymlivaŭsia zaklik da vuličnych vystupleńniaŭ i kanstatavałasia adsutnaść pierśpiektyŭ u biełaruskaj armii ŭ vypadku jaje pramoha ŭstupleńnia ŭ vajnu.
10 červienia Kamitet dziaržaŭnaj biaśpieki ŭnios Danutu Pieradnia ŭ śpis «asob, jakija majuć dačynieńnie da terarystyčnaj dziejnaści».
Čytajcie taksama:
Kamientatary i spravakavany KDB mužčyna. U «terarysty» ciapier masava zapisvajuć za vykazvańni. Raskazvajem pra novyja imiony ŭ śpisie
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary