U Homieli zatrymali byłuju žurnalistku Łarysu Ščyrakovu, jaje syna zabrali ŭ prytułak
Viečaram 6 śniežnia ŭ Homieli zatrymali byłuju žurnalistku Łarysu Ščyrakovu. Jaje syna-padletka zabrali ŭ sacyjalna-piedahahičny centr u Homielskim rajonie, piša «Radyjo Svaboda».
«Pryčyny i abstaviny zatrymańnia pakul nieviadomyja. Tolki toje, što jana ciapier u izalatary, syn Śviatasłaŭ — u prytułku. Nijakaj ni aktyŭnaj, ni žurnalisckaj dziejnaściu Łarysa apošnija hady nie zajmałasia», — paviedamiła krynica «Svabody».
Łarysa Ščyrakova — viadomaja ŭ Homieli žurnalistka. Da 2021 hoda jana supracoŭničała z šeraham niezaležnych vydańniaŭ. Zdymała dakumientalnyja filmy, mieła svoj prajekt pa ŭšanavańni pamiaci represavanych «Zabityja i zabytyja». Ščyrakova taksama zapisvała śviedčańni svajakoŭ represavanych, na padstavie hetych zapisaŭ vychodzili publikacyi i dakumientalnyja filmy.
Pa adukacyi Ščyrakova vykładčyca anhlijskaj movy. Raniej jana ŭznačalvała krajaznaŭčuju arhanizacyju «Tałaka» (likvidavanaja ŭładami).
U apošnija miesiacy byłaja žurnalistka zajmałasia etnafotasetami — zdymała ludziej u narodnych biełaruskich strojach i łakacyjach. Sioleta jana pajšła vučycca na fakultet psichałohii. Niahledziačy na pahrozy, Ščyrakova pryncypova zastavałasia ŭ Biełarusi.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary