Trapić u Jeŭropu stanie praściej. Polšča adnaŭlaje pryjom dakumientaŭ na turystyčnyja vizy va ŭsich vizavych centrach
Polšča prypyniła vydaču turystyčnych viz dla biełarusaŭ jašče z časoŭ pandemii. Ciapier polskija turystyčnyja vizy viartajucca. Možna raźličvać na vizu terminam da piaci hadoŭ.
Pačynajučy z 4 vieraśnia biełarusy znoŭ mohuć zapisvacca na padaču dakumientaŭ dla atrymańnia polskaj turystyčnaj vizy. Zrabić heta možna va ŭsich polskich vizavych centrach u Biełarusi. Svabodnyja daty jość na dni praz 1—2 miesiacy.
Košt vizy — 35 jeŭra. Akramia vizavaha zboru, spahaniajecca servisny zbor u pamiery 11 jeŭra.
Pakiet dakumientaŭ dla padačy standartny. Treba mieć pašpart nie starejšy za 10 hadoŭ, miedycynskuju strachoŭku na sumu nie mienšuju za 30 tysiač jeŭra. Fota 3,5x4,5, na jakich hryŭka nie pavinna zakryvać brovy i vočy. Zdymki musiać być zroblenyja nie bolš čym šeść miesiacaŭ tamu.
Patrebnaja taksama aktualnaja daviedka ź miesca pracy z ukazańniem pasady rabotnika, času pačatku pracy, zarabotnaj płaty za try apošnija miesiacy.
Paćviardžeńnie broni hatela / pansijona ci inšy dakumient, jaki paćviardžaje pražyvańnie na terytoryi Respubliki Polšča.
Padrabiaźniej ab usich patrabavańniach možna aznajomicca pa spasyłcy.
Turystyčnyja vizy vydajucca terminam da piaci hadoŭ. Maksimalny termin zvyčajna zaležyć ad vizavaj historyi zajaŭnika.
Čytajcie taksama:
«Adstaju za vas». Za kolki pradajuć miesca ŭ čarzie na miažy ź Litvoj i Polščaj
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
Mołodcy.. nadiejuś biełarusiki so svoimi pieriekupŝikami i čarhavikami nie isportiat situaciju