U Minsku hramadski transpart atrymaje pryjarytet na skryžavańniach
U stalicy robiacca zachady dla paskareńnia ruchu hramadskaha transpartu pa maršrutach. Pra heta raspavioŭ hienieralny dyrektar «Minsktransa» Aleh Dziubienka, pišuć «Minsk-Naviny».

Haradžanie pacikavilisia, ci jość mahčymaść paskoryć ruch hramadskaha transpartu ŭ stalicy.
— Naša ahulnaja meta z haradskimi ŭładami i darožnymi słužbami, kab hramadski transpart chadziŭ chutčej. Siońnia dla hetaha rehulujecca praca śviatłaforaŭ i transpartnyja płyni. U najbližejšy čas my pačniom vypraboŭvać prahramy dla pradstaŭleńnia pryjarytetu prajezdu hramadskamu transpartu praź śviatłafory. Sioleta majuć namier pačać ich testavańnie na tramvajnych maršrutach, — rastłumačyŭ A. Dziubienka.
Akramia taho, mnohija haradžanie paprasili dadać novyja prypynki ŭ niekatoryja maršruty.
— Źmieny maršrutaŭ źviazanyja z vyvučeńniem pasažyrapatoku. Usim haradžanam zabiaśpiečyć ruch pa horadzie bieź pierasadak prosta niemahčyma, — adkazaŭ A. Dziubienka. — Ale z uviadzieńniem adzinaha prajaznoha pasažyram z hledzišča finansaŭ vyhadna vykonvać pierasadki.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć

Kamientary