Urad Finlandyi pryniaŭ rašeńnie ab poŭnym zakryćci miažy z Rasijaj z 30 listapada da 13 śniežnia. Pra heta paviedamili na pres-kanfierencyi 28 listapada premjer-ministr krainy Pietery Orpa i kiraŭnica MUS Mary Rantanien, piša Yle.fi.
Pavodle tłumačeńnia Orpa, hetym krokam Finlandyja choča ŭziać pad kantrol sproby hibrydnaha ŭpłyvu z boku Rasii.
«Heta arhanizavanaja dziejnaść, — zajaviŭ jon. — Rasija stała pryčynaj situacyi, jakaja skłałasia, i jana moža pakłaści joj kaniec».
Pa słovach Mary Rantanien, Dziaržrada pastanaviła časova zakryć usie KPP na ŭschodniaj miažy i zasiarodzić na dva tydni pryjom zajaŭ ab nadańni prytułku ŭ aeraportach i ŭ punktach pierasiačeńnia miažy pa vadzie.
Pradstaŭnik pamiežnaj słužby Finlandyi Maci Sarasmaa zajaviŭ, što pryniataje rašeńnie nie tyčycca čyhunačnaha punkta Vajnikkała, praź jaki iduć hruzapieravozki. Pa jahonych słovach, rašeńnie zakryć usie KPP było zasnavana na novaj raźviedvalnaj infarmacyi, jakaja nie była viadomaja na minułym tydni.
Jak zajaviŭ Sarasmaa, terminy zakryćcia mohuć być skaročanyja abo padoŭžanyja ŭ zaležnaści ad situacyi na miažy. Pryniatyja siońnia miery admianiajuć papiaredniaje rašeńnie finskaha ŭrada ab zakryćci ŭsich KPP na ŭschodniaj miažy, akramia Raja-Joasepi na samaj poŭnačy krainy, da 23 śniežnia.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu86
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary
vtoroje do 23 diekabria.
Tiepieŕ do 13 diekabria!
Nalico prohriess-- bojatsia ,čto narod na viły posadit.
A finskij zakon o biežiencam možno prosto pomieniať i nie vpuskať.