U deputaty ad łukašenkaŭcaŭ idzie biełaruskamoŭny piśmieńnik. Što pra jaho viadoma?
U jakaści praŭładnaha kandydata ŭ deputaty pa Homielskaj-Centralnaj akruzie №33 bałatujecca staršynia Homielskaha abłasnoha adździaleńnia Sajuza piśmieńnikaŭ Biełarusi Uładzimir Haŭryłovič. Jon pradstaŭnik «Biełaj Rusi», tamu moža trapić u biuleteni navat biez zboru podpisaŭ.
Admietnaść Haŭryłoviča ŭ tym, što heta piśmieńnik, jaki i ŭ tvorčaści, i ŭ publičnych vystupach karystajecca biełaruskaj movaj.
Haŭryłovič naradziŭsia ŭ 1967 hodzie ŭ vioscy Viatčyn Žytkavickaha rajona. Pracavaŭ u sistemie adukacyi, paśla byŭ hałoŭnym redaktaram haziet «Novaje Paleśsie» (Žytkavičy) i «Homielskija viedamaści». Z 2005 uznačalvaje abłasnoje adździaleńnie praŭładnaha Sajuza piśmieńnikaŭ. Aŭtar niekalkich dziasiatkaŭ knih, amal usie jany napisanyja pa-biełarusku.
U łukašenkaŭski parłamient zvyčajna traplajuć niekalki biełaruskamoŭnych deputataŭ. Naprykład, u minułym sklikańni ŭ hety razrad možna było adnieści staŭbcoŭskaha milicyjanta Ivana Mamajku i historyka Ihara Marzaluka. Praŭda, navat jany ŭ kamunikacyi z astatnimi deputatami čaściakom pierachodziać na ruskuju movu.
Čytajcie taksama:
Pradstaŭniki praŭładnaj partyi ŭ pieršy ž dzień zboru podpisaŭ demanstratyŭna parušyli zakon
Ministarka pracy Iryna Kaścievič idzie ŭ deputaty
Hajdukievič, Hihin, Špakoŭski, Šaŭcoŭ, Barsukoŭ i astatnija. Chto ŭ Minsku sabraŭsia ŭ deputaty
Kamientary