Palicyja tajłandskaj pravincyi Pchukiet vydała ordery na aryšt pieciarych rasijan pa spravie ab vykradańni biełaruskaj siamiejnaj pary. Jaje fihuranty prymusili biełarusaŭ pieravieści na čužy rachunak kryptavalutu na sumu kala 900 tysiač dalaraŭ, paviedamiła hazieta Bangkok Post.
Paviedamlajecca, što 29 studzienia 2024 hoda kala 10-j hadziny ranicy złamyśniki na čornym mikraaŭtobusie Hyundai pieraharadzili darohu ŭ adnym z rajonaŭ vostrava Pchukiet, spyniŭšy matacykł, na jakim pieramiaščałasia para ź Biełarusi.
Paśla taho mužčynu i žančynu zapchnuli ŭ mikraaŭtobus, dzie prymusili pieravieści na svaje rachunki kryptavalutu na sumu 901 200 dalaraŭ. Paśla hetaha siamiejnuju paru advieźli ŭ inšy rajon Pchukiet i adpuścili.
Dvaich padazravanych supracoŭniki tajłandskaj palicyi zatrymali ŭ mižnarodnym aeraporcie Pchukiet, kali jany sprabavali pakinuć krainu. Jašče dvoje byli zatrymanyja ŭ miescy pražyvańnia na vostravie. Usie jany byli dastaŭlenyja ŭ palicejski ŭčastak dla praviadzieńnia dopytu, padčas jakoha adkidali abvinavačvańni na svoj adras.
Piaty padazravany paśla zatrymańnia byŭ dapytany asobna ad astatnich. Jon taksama admaŭlaje svaju datyčnaść da hetaj spravy. Jak adznačaje hazieta, jaho ličać arhanizataram vykradańnia.
Kamientary