Ad «Vierasoŭ» da Nizkiz i «Lapisaŭ» — źjaviŭsia novy jutub-kanał ź biełaruskim karaokie
Prablema amataraŭ karaokie, jakim nie stavała ajčynnych trekaŭ u katałohach, moža być vyrašana: u siecivie źjaviŭsia jutub-kanał z chitami biełaruskich vykanaŭcaŭ. Pakul na im kala 80 piesień, ale ich kolkaść raście z kožnym dniom.
Kanał «Belaruskae KARAOKE» byŭ stvorany jašče ŭ 2011 hodzie, ale aktyŭna abnaŭlajecca tolki ŭ apošnija miesiacy. Pašanaj na im karystajecca tvorčaść hurtoŭ Nizkiz, Naviband, «Daj darohu!» — trekaŭ aŭtarstva hetych artystaŭ tam pakul najbolšaja kolkaść.
Ale chapaje i inšych, zapatrabavanych siońnia muzykaŭ: Palina, «Raźbitaje serca pacana», Volski, «Piatla prychilnaści», «Tor Band», Nürnberg i navat Alena Žałudok ź jaje zornaj «Ščučynščynaj». Ciapier kožny achvotny moža zładzić karaokie z rodnymi sercu pieśniami ŭ siabie doma ci vykarystać jaho mieniu ŭ śpiecyjalnych ustanovach.
Dla tych, chto addaje pieravahu kłasicy, na jutubie taksama isnuje kanał Biełaruskaje karaokie. Ź nievialikim, ale ŭsio ž vybaram cikavych trekaŭ, nakštałt «Vieraniki» aŭtarstva «Pieśniaroŭ» ci viadomyja ŭsim «Kasiŭ Jaś kaniušynu» i «Dzied Baradzied».
Kali chočacca praśpiavać kampanijaj himn «Mahutny Boža», to jaho naroŭni jašče z paraj cikavych «minusaŭ» možna znajści na kanale «Biełaruskaj rady kultury».
Taksama biełaruskaje karaokie afłajn ładzicca na placoŭcy varšaŭskaha kłuba-bara Scena Chmielna. Jak raspavioŭ «Našaj Nivie» Illa Malinoŭski, jaki pravodziŭ karaokie-viečaryny ŭ Minsku, častku svaich archivaŭ jon pieradaŭ arhanizataram U Varšavie.
«My nie stavim tvory «z»-artystaŭ», — z paroha zajaŭlajecca ŭ anonsach kłuba.
Štopiatnicu ŭ toj ža Varšavie karaokie-viečaryny ładzić kamanda, jakaja pracavała nad minskim «Hrafici»: polskija, biełaruskija i ŭkrainskija pieśni zaprašajuć śpiavać u pieraharni «Jedna Miłość».
Ciapier čytajuć
A što budzie, kali viarnucca ŭ Biełaruś? Kažuć ža, što represii zakančvajucca5
A što budzie, kali viarnucca ŭ Biełaruś? Kažuć ža, što represii zakančvajucca
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2020
Kamientary