«Baťka u nas krutoj, v mirie odin takoj». Łukašenku pryśviacili čarhovuju kryndžovuju pieśniu
Prezientavaŭ jaje vajskovy arkiestr u Pałacy respubliki. «Vam by tam svoi problemy poriešať, a to naš lehko vied́ možiet tak posłať», — śpiavali mužčyny ŭ formie.
Pieśnia prahučała na kancercie «Hałasy Biełarusi», pryśviečanym 20-hodździu tvorčaj dziejnaści aŭtaraŭ i vykanaŭcaŭ piesień, siamiejnaha dueta Julii Bykavaj i Jaŭhiena Alejnika i ich hurta «Aŭra».
Treba adznačyć, što im nie ŭpieršyniu stvarać prapahandysckija tvory. Mienavita Alejnik napisaŭ himn jabaciek «Lubimuju nie otdajut», a jašče muzyku pieśni «Ach, Aleksandr» (słovy da jaje napisała niaviestka Łukašenki, jakaja viadoma pad psieŭdanimam Hanna Siałuk).
Zdajecca, u hety raz Alejnik navat krychu pierastaraŭsia, imknučysia dahadzić uładzie. Jon nie prosta ŭsłaŭlaje Łukašenku, ale i plujecca ŭ bok zachodnich palitykaŭ.
Acanić mastackuju kaštoŭnaść tvora možna pa nastupnych radkach:
Jevropiejskije politiki jeŝio
O byłom vieliċji vidiat sny.
Vpavšije v zavisimosť ot diadi Džo,
Raźvie ž vy lico svojej strany?Vam by tam svoi problemy poriešať,
A nie lezť siuda čieriez zabor.
A to naš lehko vied́ možiet tak posłať,
Čto korotkim budiet razhovor.Baťka u nas krutoj,
V mirie odin takoj.
S baťkoj spokojna strana,
Tolko jemu nie do sna.Baťka u nas krutoj,
Baťka, my riadom s toboj.
Vybrał narod,
I nie podviediet,
Staniem stienoj za baťku, horoj.
Addanaść siamji Alejnika i Bykavaj nie zastajecca biez uznaharody. U kamientaryi «Minsk-Naviny» Jaŭhien pachvaliŭsia, što letaś u hurta «Aŭra» było bolš za 100 kancertaŭ, ź ich kala 50 solnych pa Biełarusi, i prykładna stolki ž u 2022 hodzie. «Aŭra» rehularna vystupaje ŭ miežach tak zvanych «dyjałohavych placovak» dla moładzievaj aŭdytoryi «Razam z mastactvam» za dobry hanarar. Pa infarmacyi «Našaj Nivy», vystupleńnie «Aŭry» na adnym z takich mierapryjemstvaŭ abyšłosia biudžetu ŭ 6000 rubloŭ.
A niadaŭna Alejnik razam z žonkaj adkryŭ škołu maleńkich zorak «Aŭra», košt navučańnia ŭ jakoj składaje kala 30-40 tysiač rubloŭ na hod. Tudy ŭziali ŭsiaho troch artystak — Anhielinu Vołkavu (jana śpiavaje inšy chit Siałuk i Alejnika — «Bulba dens»), Kaciarynu Łabkoŭskuju i Kamiłu Pietuchovu.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
Havriła rifmu potieriał