Hanna Łukašenka, jakaja piša pieśni pad psieŭdanimam Hanna Siałuk, praciahvaje apraŭdvać vysoki davier śviokra. Mienš za miesiac tamu Alaksandr Łukašenka vypisaŭ śpiecyjalnuju premiju žoncy svajho syna Dźmitryja, a jana ŭžo napisała novy chit. Pieśnia «Zroblena ŭ Biełarusi» pryśviačajecca Hodu jakaści.
Prezientacyja pieśni adbyłasia na pryjomie Łukašenki ŭ Stary Novy hod. Muzyku na słovy Hanny Siałuk napisaŭ kampazitar Aleh Šaŭmaraŭ. A vykanać daručyli Alaksandry Mielech. Davoli pradkazalny vybar z ulikam taho, što dziaŭčyna raniej śpiavała «Ach, Alaksandr!». Darečy, mienavita z hetaha pryznańnia ŭ kachańni najbolš viadomamu ŭ Biełarusi Alaksandru i pačałasia paśpiachovaja karjera śpiavački: z šarahovaj nastaŭnicy ŭ minskim centry dadatkovaj adukacyi dziaciej i moładzi «Śvietač» dy bek-vakalistki jana pieratvaryłasia ŭ zorku praŭładnych mierapryjemstvaŭ.
Tamu nie dziŭna, što i ciapier Alaksandra napisała na svajoj staroncy ŭ instahramie: «Ja nie stamlusia dziakavać aŭtaram pieśni za hety 100% chit».
Poŭnuju viersiju pieśni jašče nielha znajści ŭ internecie, adnak vy možacie acanić mastacki ŭzrovień niekatorych radkoŭ:
Toje, što robiać u Biełarusi, toje nie łamajecca!
Zroblena ŭ Biełarusi, sercam, rukami, viedami —
Kab było dobra ludziam, kab va ŭsim śviecie viedali.
Zroblena ŭ Biełarusi, ščyra, pryhoža, radasna,
Zroblena ŭ Biełarusi — značyć sa znakam jakaści.
Treba adznačyć, što Hanna Siałuk źjaŭlajecca adnoj z samych praduktyŭnych aŭtarak piesień u Biełarusi. Naprykład, napiaredadni Novaha hoda vyjšli klipy na jaje pieśni dla toj ža Alaksandry Mielech i biełaruskaj «Vierki Siardziučki» Zinaidy Furor (ampłua, jakoje nahadvaje vobraz ukrainca Andreja Daniłki, abraŭ artyst Maładziožnaha teatra estrady Jaŭhien Jermałkovič).
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»9
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary