Hanarar dla siaścior Hruździevych. Kolki kaštujuć biudžetu vystupy artystaŭ na dziaržaŭnych kancertach
Pahladzieli, kolki płaciać artystam za vystupleńni na aficyjnych mierapryjemstvach.
Zhodna z partałam dziaržzakupak, Alaksandr Saładucha za vystup na rajonnym fiestyvali-kirmašy pracaŭnikoŭ vioski «Dažynki-2023» u haradskim pasiołku Pleščanicy atrymaŭ 1700 rubloŭ. U dakumientach paznačana, što vystup zasłužanaha artysta Biełarusi musić doŭžycca nie mienš za 50 chvilin.
Jahony kaleha pa scenie Hierman Citoŭ za vystup na tym ža samym mierapryjemstvie musiŭ atrymać 4000 rubloŭ. Minimalnaja praciahłaść vystupu nie paznačana.
Na vystupleńnie Saładuchi na Dni Niezaležnaści ŭ Minsku zakłali 3000 rubloŭ, a na feście «Baćkava bułka» — 1200.
Iryna Darafiejeva za vystup u słuckim Domie kultury ŭ sakaviku hetaha hoda atrymała 1100 rubloŭ. Razam z Darafiejevaj na mierapryjemstvie vystupaŭ Juryj Vaščuk, bolš viadomy jak TIEO, i jaho žonka Volha Ryžykava. Kožny ź ich atrymaŭ pa 650 rubloŭ.
Siostry Hruździevy — niaredkija hości na dziaržaŭnych imprezach. Tak, za vystupleńni ŭ miežach tak zvanych «dyjałohavych placovak» dla moładzievaj aŭdytoryi «Razam z mastactvam» kožnaja ź siaścior atrymlivaje da 1500 rubloŭ (ale byvaje i mieniej).
Vystupleńnie hurta «Aŭra» na adnym z takich mierapryjemstvaŭ abyšłosia biudžetu ŭ 6000 rubloŭ. A śpiavačka Zena (Zinaida Kupryjanovič) vystupała tam ža za 1950 rubloŭ.
Kancert śpievaka Paŭła Lubčanki ŭ Bychavie na Dzień Niezaležnaści abyšoŭsia miascovamu biudžetu ŭ 2000 rubloŭ.
U Lidzie na Dzień Niezaležnaści z kancertam vystupaŭ Vital Soła (sapraŭdnaje proźvišča — Syčoŭ). Jaho vystupleńnie kaštavała miascovamu biudžetu 3500 rubloŭ.
A za pryjezd Hiuneš Abasavaj u Červień miascovy biudžet vykłaŭ 3500 rubloŭ.
Śpiavačka Ułada vystupała na kancercie, prymierkavanym da Dnia horada Navapołacka. Heta kaštavała biudžetu 5000 rubloŭ.
Zatraty na rasijskich zorak, jakich pryvoziać na dziaržaŭnyja mierapryjemstvy, značna vyšejšyja.
Tak, naprykład, kancert Mišy Marvina na sioletnim «Słavianskim bazary ŭ Viciebsku», prymierkavany da Dnia moładzi, abyšoŭsia biudžetu ŭ 40 tysiač rubloŭ.
Čytajcie taksama:
Na pakazach prapahandysckaha filma «Na inšym bierazie» arhanizoŭvajuć anšłahi, administracyjny resurs užo zapuščany
U Hrodnie apublikavali śviatočnuju afišu na 9 Maja z udziełam Hazmanava. Haradžanie «acanili»
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6060
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie60
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary