26-hadovy dalnabojnik ź Biełarusi trapiŭ u Polščy ŭ DTZ sa śmiarotnym zychodam. U jahonuju furu ŭrezaŭsia lehkavy aŭtamabil Volkswagen, jaki ździajśniaŭ niebiaśpiečny manieŭr. Kiroŭca Volkswagen zahinuŭ, paviedamlaje Most.
Avaryja adbyłasia ranicaj 9 maja ŭ Kaścianskim paviecie Vialikapolskaha vajavodstva.
Jak paviedamlajuć polskija miedyja, na ramantavanym učastku darohi ruch byŭ papieramiennym. Mašyny, jakija jechali z boku horada Hłuchava, čakali mahčymaści ŭjezdu na hety ŭčastak. Ale adzin z kiroŭcaŭ, 28-hadovy žychar miastečka Čempiń, vyrašyŭ abjechać ich. Jon vyjechaŭ na adkryty ŭčastak ruchu i tam sutyknuŭsia z hruzavikom DAF z paŭpryčepam, jakim kiravaŭ biełarus.
Kiroŭca lehkavoha aŭtamabila atrymaŭ ciažkija traŭmy. Niahledziačy na sproby reanimavać mužčynu, jon pamior. Biełarus nie paciarpieŭ.
Abstaviny zdareńnia vyśviatlaje miascovaja palicyja pad nahladam prakuratury.
«Litoŭskich pieravozčykaŭ mohuć čakać surjoznyja prablemy». Dalnabojščyki ab prapanovie adbirać DNŽ u biełarusaŭ za častyja pajezdki na radzimu
U Italii znajšli miortvym biełaruskaha dalnabojščyka
Zatrymali jašče adnaho biełarusa pa čarhovym danosie pravakatara z čat-ruletki. Zatrymany skazaŭ, što padtrymlivaje bajcoŭ Pałka Kalinoŭskaha
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary