Vynieśli prysud žančynie, jakaja zabiła adno niemaŭla i nie dała naradzicca druhomu
Minski abłasny sud vynies prysud pa spravie žančyny, jakaja zaciažaryła ŭ listapadzie 2022 hoda, ale naradžać dzicia nie chacieła. Pa roznych pryčynach jana nie pierapyniła ciažarnaść, tamu vyrašyła pazbavicca ad małoha adrazu pry jaho naradžeńni, ale jaje płanam pieraškodziła toje, što dziaciej akazałasia dvoje.
Kali pryjšoŭ čas naradžać, žančyna źjechała da svajakoŭ u Niaśvižski rajon, dzie ŭ vioscy, nie źviartajučysia da miedycynskaj dapamohi, naradziła syna. Adrazu paśla taho jana zabiła dzicia, pakłała cielca ŭ zahadzia padrychtavany pakiet i schavała pad łožak. Ale nieŭzabavie zrazumieła, što ŭ žyvacie zastajecca druhoje dzicia.
U vyniku jana trapiła ŭ balnicu, dzie lekary, dastaŭšy ŭžo miortvaje dzicia, zrazumieli, što było jašče i druhoje. U vyniku pra ździejśnienaje złačynstva stała viadoma, i žančyna trapiła pad sud.
Sud pryznaŭ žančynu vinavataj u zabojstvie małaletniaha, jaki znachodzicca ŭ biezdapamožnym stanie, i pryznačyŭ joj pakarańnie ŭ 13 hadoŭ pazbaŭleńnia voli ŭ kałonii ahulnaha režymu.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu85
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary