Maryn Lo Pen nazvała pravakacyjaj post MZS Rasii ź jaje fotazdymkam i paabiacała padtrymku Ukrainie
Francuzski pravy palityk Maryn Lo Pen na telekanale TF1 nazvała pravakacyjaj i sprobaj umiašańnia va ŭnutranyja spravy Francyi publikacyju, jakaja zjaviłasia napiaredadni ŭ tvitary rasijskaha MZS, piša The Insider.
#Nastasin: The people of France are seeking a sovereign foreign policy that serves their national interests & a break from the dictate of Washington & Brussels.
☝️ French officials won't be able to ignore these profound shifts in the attitudes of the vast majority of citizens pic.twitter.com/4gCRBLayPP
«Narod Francyi imkniecca da suvierennaj źniešniaj palityki, jakaja słužyć jaho nacyjanalnym intaresam, i da razryvu z dyktatam Vašynhtona i Brusiela. Francuzskija čynoŭniki nie zmohuć ihnaravać hetyja hłybokija źmieny ŭ dačynieńni da pieravažnaj bolšaści hramadzian», — takoje paviedamleńnie apublikavaŭ MZS Rasii, supravadziŭšy jaho fatahrafijaj Lo Pen, napiaredadni druhoha tura parłamienckich vybaraŭ, jaki projdzie ŭ Francyi 7 lipienia.
«Kali vy pišacie taki pakazny i pravakacyjny tvit, heta možna razhladać jak formu ŭmiašańnia», — zajaviła Maryn Lo Pien.
Palityk taksama zajaviła, što ŭ vypadku pieramohi na vybarach jaje partyja «Nacyjanalnaje abjadnańnie» (RN) praciahnie padtrymku Ukrainy, choć i vyklučaje adpraŭku francuzskich sałdat na vajnu.
«Nacyjanalnaje abjadnańnie» pieramahło ŭ pieršym tury vybaraŭ 30 červienia, atrymaŭšy bolš za 30% hałasoŭ. Kaalicyja prezidenta Fransua Makrona «Razam» zaniała tolki treciaje miesca.
«Nacyjanalnaje abjadnańnie» na praciahu mnohich hadoŭ padtrymlivała suviazi z Maskvoj, adnak u apošni čas sprabuje dystancyjavacca ad Rasii.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary