Rektar BDUIRa nazvaŭ raspracoŭku biełaruskaha IT, jakoj najbolš hanarycca. Heta kampanija syšła z krainy dva hady tamu
«Paradoks, ale nie hulni».
U pieradačy na BT u rektara BDUIRa Vadzima Bohuša spytali, jakimi raspracoŭkami biełaruskich ajcišnikaŭ jon hanarycca bolš za ŭsio.
«Tymi, jakija samyja viadomyja. Paradoks, ale nie hulni. Vielmi cikavy dadatak pa žanočym zdaroŭi. Vielmi prosta ideja, cudoŭnaja realizacyja — ciapier heta pradukt, jakim karystajecca vielmi šmat ludziej u śviecie»,
— adkazaŭ rektar, nie nazyvajučy sam dadatak.
Razmova, vidavočna, idzie pra Flo — heta mabilnaja prahrama dla zdaroŭja, jakaja dapamahaje adsočvać mienstrualny cykł i avulacyju. Prahramu stvaryli ŭ 2015 hodzie. Ciapier jana maje bolš za 40 młn aktyŭnych karystalnikaŭ u miesiac.
Kampaniju Flo zasnavali biełarusy Dźmitryj i Juryj Hurskija. U 2022 hodzie kampanija syšła ź Biełarusi. Jaje štab-kvatera ŭ Łondanie, ofis raspracoŭki — u Vilni (siudy rełakavali mnohich minskich supracoŭnikaŭ), jość taksama pradstaŭnictvy ŭ Niderłandach i ZŠA.
Inšaja kampanija, jakuju mieŭ na ŭvazie Bohuš, zhadvajučy hulni, — raspracoŭščyk hulni ŭ tanki Wargaming — taksama zakryła svoj ofis u Minsku ŭ 2022-m. Hulniavy biznes u Biełarusi i Rasii jana pieradała Lesta Studio.
U intervju rektar pa ŭzroŭni IT na pieršaje miesca pastaviŭ Kitaj.
«Bo Kitaj maje ŭłasny pohlad na rečy, źviazanyja z raźvićciom infarmacyjnych technałohij», — patłumačyŭ jon.
-
DAI prapanuje zamianić nievialikija maršrutki aŭtobusami bolšaj umiaščalnaści
-
«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ
-
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary