Zasnavalnik Tesla źniapraŭdziŭ zajavu kiraŭnika Čačni Ramzana Kadyrava, jaki skazaŭ, što atrymaŭ ad amierykanskaha pradprymalnika kibiertrak «Tesła» ŭ padarunak.
Iłan Mask adkazaŭ na post amierykanskaha piśmieńnika, prafiesara i palityčnaha ahladalnika Seta Abramsana ŭ sietcy Ch.
Raniej Abramsan raspaŭsiudziŭ videa z Kadyravym u kibiertraku, na jakim ustalavany kulamiot i adznačyŭ, što jon «zabłytaŭsia».
Zasnavalnik «Tesła» pryjšoŭ u kamientary i ŭ abraźlivaj maniery zapiarečyŭ, što daryŭ kibiertrak Kadyravu.
«Ty surjozna nastolki adstały, što dumaješ, byccam ja padaryŭ kibiertrak ruskamu hienierału? Heta ašałamlalna», — napisaŭ Mask.
Niekalki hadoŭ tamu Łukašenka kazaŭ, što Mask taksama daryŭ jamu «Tesłu». Tady miljarder taksama kamientavaŭ u tvitary.
Jahonyja słovy «Uh, no» stali miemam, a biełarusy navat zrabili mierč z takimi słovami.
Kamientary