Dziaŭčyna ŭ Rasii pakinuła vodhuk pra kasira, jaki pachnie jak skuns. A paśla zakruciłasia — psichbalnica, chejt, vebkam-madel i navat suicyd

Pa roznych sacyjalnych sietkach u apošnija dni razyšłasia historyja, padziei jakoj adbylisia ŭ Rasii jašče letam 2023 hoda.

Dziaŭčyna pad nikam «Kaciaryna K.» pakinuła vodhuk ab svaim naviedańni kramy «Mahnit». Dziaŭčyna pastaviła supiermarkietu trojku — i paskardziłasia na kasira. «Ad jaho śmiardzić, jak ad skunsa, adzieńnie niamytaje, pach potu, vałasy salnyja, absłuhoŭvaje vielmi doŭha». Jana prosić kiraŭnictva «zrabić što-niebudź».

Pavialičyć

Ci karektny taki vodhuk? Mierkavańni interneŭtaŭ padzialilisia. Adnak znajšlisia cikaŭnyja, jakija vyrašyli razabracca ŭ situacyi.

Jany znajšli imia kasira. Akazałasia, heta Dzimitryj Bieražnoj, jaki ŭ sacsietkach padpisvaŭsia jak Dźmitryj Vołkaŭ. Da taho, jak pajści pracavać u kramu, małady čałaviek vykładaŭ u Maskoŭskim avijacyjnym instytucie. Studenty jaho charaktaryzavali jak «nadta nieardynarnaha» vykładčyka. Raskazvaŭ, što raniej słužyŭ u raźviedcy, ale heta mahła być jaho chvaravitaja fantazija.

Na pracu ŭ «Mahnit» małady čałaviek uładkavaŭsia paśla taho, jak vyjšaŭ ź psichijatryčnaj balnicy. Tam jon miesiac lačyŭsia ad depresii. Śćviardžajecca, što niervovy zryŭ u jaho adbyŭsia paśla śmierci maci. Z časam psichałahičny stan tolki pahoršaŭ, u vyniku jon nie zmoh praciahnuć pracu va ŭniviersitecie.

Na momant publikacyi hnieŭnaha pasta Dzimitryj pracavaŭ na kasie ŭžo niekalki miesiacaŭ. Internaŭty znajšli jaho žonku. Jana raskazała, što mužčyna žyŭ asobna ad siamji ŭ kvatery, u jakoj rabiŭ kapitalny ramont. Jaho psichałahičny stan nie byŭ dobrym.

Bolš za toje, vyjaviłasia, što praz 20 dzion paśla taho, jak vodhuk źjaviŭsia ŭ internecie, Dzimitryj kinuŭsia pad ciahnik. Adnak niama nijakich śviedčańniaŭ ab tym, što jon uvohule viedaŭ pra skarhu na siabie.

Paśla infarmacyi pra śmierć Dzimitryja historyja nabyła dadatkovy rozhałas u internecie. Internaŭty zanialisia asobaj aŭtarki vodhuku. Jaje zvać Kaciaryna Baradulina, jana pracavała žurnalistkaj u muzyčnym miedyja. Niechta navat apublikavaŭ infarmacyju pra toje, što raniej jana była vebkam-madellu i staŭ pościć jaje aholenyja fota. Zrešty, dziaŭčyna zapeŭnivała, što heta fejkavyja zdymki.

Urešcie za dziaŭčynu zastupiłasia navat udava Dźmitryja — jana paprasiła spynić pieraśled i zapeŭniła, što jaje muž ź imaviernaściu 99% nie bačyŭ niehatyŭnaha kamientaryja, bo i da depresii nie vielmi cikaviŭsia mierkavańniem ludziej pra siabie.

• 1
• 0
• 3
• 19
• 5
• 19
• 2
• 0