Hubaziki spynili aŭto ŭ Breście, kiroŭca sprabavaŭ uciačy i najechaŭ na adnaho ź ich
Pres-słužba MUS paviedamiła, što supracoŭniki Bresckaha abłasnoha ŭpraŭleńnia HUBAZiK razam z bajcami atrada śpiecyjalnaha pryznačeńnia «Štorm» u pryvatnym siektary Bresta spynili mašynu, jakoj kiravaŭ 46-hadovy žychar horada. Mužčyna padazravaŭsia imi ŭ «ekstremiźmie».
Pa viersii siłavikoŭ, jany pradstavilisia i pakazali słužbovyja paśviedčańni, ale mužčyna vyjści z mašyny nie zachacieŭ, začyniŭsia ŭ joj, a paśla «pasprabavaŭ uciačy, ździejśniŭšy najezd na adnaho z pravaachoŭnikaŭ».
Paśla taho siłaviki «zrabili prycelnyja streły pa aŭto», naniosšy mužčynu «niaznačnyja traŭmy». Paśla taho pa jahonym miescy žycharstva nibyta znajšli śvietłašumavyja hranaty i «jomistaść z rečyvam, padobnym da porachu».
Ciapier na mužčynu zaviali kryminalnuju spravu za hvałt albo pahrozu prymianieńnia hvałtu ŭ dačynieńni da supracoŭnika orhanaŭ unutranych spraŭ.
Varta adznačyć, što choć siłaviki da svajho infarmacyjnaha paviedamleńnia prykłali videa, na im nie zafiksavany ŭłasna praces zatrymańnia, jaki paćviardžaŭ by ich viersiju. Na videa prysutničaje tolki raźbitaja i prastrelenaja mašyna, a taksama praces praniknieńnia siłavikoŭ u dom zatrymanaha i nibyta znojdzienyja tam «rečavyja dokazy».
Nie paviedamlajecca taksama ničoha pra toje, u jakim stanie toj siłavik, na jakoha nibyta byŭ zrobleny najezd.
U Viciebsku buduć sudzić žonku biełarusa, jaki admoviŭsia adkazvać na pytańni siłavikoŭ pry zatrymańni
Stvaralnika «piśmo.beł», palitviaźnia Alaksandra Łykšyna paŭtorna aryštavali. Jon u SIZA
Staŭ viadomy prysud Paŭłu Ivanovu ź Viciebska, jakoha sudzili za «abrazu Łukašenki»
Studentaŭ, jakija viartajucca na kanikuły z-za miažy, apytvajuć na hranicy siłaviki
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary