Hramadstva66

Rabić vahony dla minskaha mietro znoŭ chočuć daručyć «Štadleru»

Zavod «Štadler Minsk» znoŭ moža pačać pastaŭlać vahony dla Minskaha mietrapalitena. Pra heta zajaviła staršynia Savieta Respubliki Natalla Kačanava padčas naviedvańnia pradpryjemstva, piša BiełTA.

Fota: BiełTA

Pavodle słoŭ čynoŭnicy, u «Štadlera» jość usie nieabchodnyja kampietencyi dla vytvorčaści vahonaŭ mietro. Mahčymaści inšaha pradpryjemstva — «Biełkamunmaš» — taksama vyvučali, ale vyśvietliłasia, što pakul jano nie vałodaje adpaviednymi technałohijami i navykami. Kačanava nahadała, što raniej «Štadler» užo pastaŭlaŭ vahony dla staličnaj padziemki.

Natalla Kačanava vysoka acaniła technałahičny ŭzrovień zavoda i jakaść jaho pradukcyi, u tym liku tramvajaŭ i vahonaŭ. Pavodle jaje słoŭ, pradpryjemstva maje dobry partfiel zakazaŭ i pracuje na ekspart. U pryvatnaści, ciapier jano vykonvaje zakaz dla Kazachstana.

Fota: BiełTA

U kancy kastryčnika Alaksandr Łukašenka raskrytykavaŭ pracu «Štadlera», zajaviŭšy, što pradpryjemstva nie daje čakanych vynikaŭ. Pavodle jaho słoŭ, abiacańni ŭłaśnikaŭ stvaryć biełaruski ciahnik da stadyi vytvorčaści nie byli realizavanyja, a vytvorčyja mahutnaści zavoda zahružanyja daloka nie całkam. Jon daručyŭ Kamitetu dziaržaŭnaha kantrolu pravieryć situacyju i acanić rolu Biełaruskaj čyhunki jak spažyŭca pradukcyi zavoda.

Kampanija Stadler pracuje ŭ Biełarusi z 2014 hoda. Paśla ŭviadzieńnia sankcyj u 2022‑m vytvorčaść ciahnikovych sastavaŭ na zavodzie ŭ Fanipali spyniłasia. Šviejcarskaja kampanija pa-raniejšamu vałodaje ŭsimi akcyjami biełaruskaha pradpryjemstva i padtrymlivaje jaho, raźličvajučy adnavić pracu paśla źniaćcia sankcyj. U 2024 hodzie biełaruskija ŭłady paviedamlali pra mahčymaść prychodu na zavod rasijskich inviestaraŭ, ale pra kankretnyja kroki ŭ hetym kirunku pakul nie paviedamlałasia.

Kamientary6

  • Vriad li
    20.11.2026
    hil, Štadler eto Šviejcarija. Šviejcarija eto Jevropa. ES nałožił sankcii na riežim. Dla Biełarusi Štadler rabotať skorieje nie budiet, čiem budiet.
  • Sini traktar jedzie
    20.11.2026
    Vriad li,

    Štadler prypyniŭ vytvorčaść, kab samomu nie trapić pad sankcyi ES, ale nie admaŭlaŭsia ad fabryki, bo ŭsio ž moža źmianicca. Navošta rynak hublać - na tajožny rynak jany vychodzili, kab kankuryravać ź Simiensam, jaki budavaŭ rasiejskija ciahniki.

    Navat amierykanskija kampanii, jakija majuć tut franšyzy, dahetul pracavali praz Švajcaryju. Bo Švajcaryja da niadaŭna vybaračna dałučałasia da sankcyj ES. I tolki hetaj vosieńniu, na pačatku kastryčnika, jana pačała vyroŭnivać sankcyi da RB jak da RF pa ES-aŭskim pakietam.

    I voś ciapier rezka pytańnie ŭstała. I pajšoŭ nakat z pačatku ad profilnaha ministerstva, i ad KDK, i ciapier ad dzieda asabista.
  • hil
    20.11.2026
    Vriad li, šviejcaryja praz "firmy-prakładki" prodaje Rasiei patrony, užo pramaŭčym kolki płociać za haz krainy Jeŭropy. Ale sancyii uviali suprać zvyčajnych ludziej, viadoma Łukašenka i atačeńnie na mietro na rabotu nie jeździać. Rasiejskija pradpryjemstvy zarabili i pradali svaje vahony.

Ciapier čytajuć

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie6

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie

Usie naviny →
Usie naviny

«Tabie jašče pryjdziecca vybačycca». Cichanoŭski adkazaŭ Sieviaryncu120

Ministr abarony Hiermanii zaklikaŭ jeŭrapiejcaŭ jechać da Pucina ŭ Maskvu9

USU vyzvalili 14 viosak na Charkaŭščynie. Apieracyja «Miadźviedžy kapkan» prachodziła ŭ režymie poŭnaj sakretnaści7

Pamior mastak Juryj Nieściaruk

U Ivana-Frankoŭskaj vobłaści rasijskaja rakieta prabiła dach doma, ale nie vybuchnuła FOTA

Pad antarktyčnymi ldami znajšli ślady hor, jakija dapamahli evalucyi

U Žłobinskim rajonie mašyna nalacieła na kania. Kiroŭcu daviałosia z sałona vyrazać2

Pucin zaklikaŭ ukraincaŭ pierachodzić «na pravilny bok historyi»11

Rabić vahony dla minskaha mietro znoŭ chočuć daručyć «Štadleru»6

bolš čytanych navin
bolš łajkanych navin

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie6

Pamiatajecie biazdomnaha błohiera, jaki paśla pratestaŭ pierabraŭsia ŭ Polšču? Ciapier jon žyvie na Łazurnym bierazie

Hałoŭnaje
Usie naviny →

Zaŭvaha:

 

 

 

 

Zakryć Paviedamić