Губазікі спынілі аўто ў Брэсце, кіроўца спрабаваў уцячы і наехаў на аднаго з іх
Прэс-служба МУС паведаміла, што супрацоўнікі Брэсцкага абласнога ўпраўлення ГУБАЗіК разам з байцамі атрада спецыяльнага прызначэння «Шторм» у прыватным сектары Брэста спынілі машыну, якой кіраваў 46-гадовы жыхар горада. Мужчына падазраваўся імі ў «экстрэмізме».
Па версіі сілавікоў, яны прадставіліся і паказалі службовыя пасведчанні, але мужчына выйсці з машыны не захацеў, зачыніўся ў ёй, а пасля «паспрабаваў уцячы, здзейсніўшы наезд на аднаго з праваахоўнікаў».
Пасля таго сілавікі «зрабілі прыцэльныя стрэлы па аўто», нанёсшы мужчыну «нязначныя траўмы». Пасля таго па ягоным месцы жыхарства нібыта знайшлі светлашумавыя гранаты і «ёмістасць з рэчывам, падобным да пораху».
Цяпер на мужчыну завялі крымінальную справу за гвалт альбо пагрозу прымянення гвалту ў дачыненні да супрацоўніка органаў унутраных спраў.
Варта адзначыць, што хоць сілавікі да свайго інфармацыйнага паведамлення прыклалі відэа, на ім не зафіксаваны ўласна працэс затрымання, які пацвярджаў бы іх версію. На відэа прысутнічае толькі разбітая і прастрэленая машына, а таксама працэс пранікнення сілавікоў у дом затрыманага і нібыта знойдзеныя там «рэчавыя доказы».
Не паведамляецца таксама нічога пра тое, у якім стане той сілавік, на якога нібыта быў зроблены наезд.
У Віцебску будуць судзіць жонку беларуса, які адмовіўся адказваць на пытанні сілавікоў пры затрыманні
Стваральніка «письмо.бeл», палітвязня Аляксандра Лыкшына паўторна арыштавалі. Ён у СІЗА
Стаў вядомы прысуд Паўлу Іванову з Віцебска, якога судзілі за «абразу Лукашэнкі»
Студэнтаў, якія вяртаюцца на канікулы з-за мяжы, апытваюць на граніцы сілавікі
Хто тая Аліна, з якой Лукашэнка танцаваў гэтым разам на навагоднім балі18
Каментары