Načalnik słužby mietearałahičnych prahnozaŭ Biełhidramieta Taćciana Čatyrka ŭ efiry ANT raskazała, jakija rajony Biełarusi možna nazvać samymi chałodnymi, a taksama adznačyła mieteaasablivaści roznych rehijonaŭ krainy.
Pavodle jaje słoŭ, adnym ź lidaraŭ pa nizkich tempieraturach źjaŭlajecca Haradocki rajon. Na raźmieščanaj tam mieteastancyi «Jeziaryšča» rehularna fiksujucca samyja mocnyja marazy, piša Smartpress.by.
Adnak u pieryjady zamarazkaŭ, asabliva pry biezvobłačnym niebie i ŭstojlivym antycykłonnym nadvorji, samyja nizkija tempieratury nazirajucca na tarfianikach. U takich umovach u lidary pa choładu vychodziać mieteastancyja «Paleskaja», a taksama stancyi «Kličaŭ» i «Babrujsk» u Mahiloŭskaj vobłaści.
Taksama ekśpiertka vydzieliła rehijony ź inšymi asablivaściami nadvorja. Naprykład, samymi vietranymi miescami ŭ krainie ličacca Ašmiany i Navahrudak (Hrodzienskaja vobłaść). Apošni, darečy, pryznany samym tumannym horadam Biełarusi. Što tyčycca navalnic, jany najčaściej zdarajucca ŭ paŭdniovych rehijonach — Bresckaj i Homielskaj abłaściach.
Cikava, što navat u miežach adnoj stalicy mohuć naziracca prykmietnyja adroźnieńni ŭ tempieratury.
U pryvatnaści, zimoj u mikrarajonie Uručča, na adnajmiennaj mieteastancyi, va ŭmovach štylu i antycykłonu pavietra moža być na 5°C ciaplejšaje, čym u inšych častkach Minska.
Ciapier čytajuć
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk77
Kamientary