Na čyhuncy supracoŭnikam admianiajuć nadbaŭki i skaračajuć štaty
Situacyja ź finansami Biełaruskaj čyhunki siońnia vielmi ciažkaja i paharšajecca praktyčna kožny dzień. Kampanija pastajanna sprabuje źmienšyć vydatki na ramont i inviestycyi, ale taksama pad skaračeńni traplajuć i vypłaty rabotnikam, piša Supolnaść čyhunačnikaŭ Biełarusi.
Asnoŭnyja vydatki BŽD — heta apłata pracy i sacyjalnyja vypłaty, bo čyhunka — pracajomkaja śfiera, jakaja patrabuje vialikaj kolkaści śpiecyjalistaŭ: mašynistaŭ, ramontnikaŭ, dyśpietčaraŭ i inšych.
Kab skaracić vydatki, kiraŭnictva BŽD pačało ŭvodzić «niepapularnyja miery», jakija niepasredna zakranajuć pracoŭnyja śpiecyjalnaści — tych, chto zabiaśpiečvaje pieravozki.
8 maja 2025 hoda načalnik BŽD padpisaŭ zahad, jaki z 1 červienia admianiaje nadbaŭki da zarobku za prafiesijnaje majsterstva i kvalifikacyjnyja katehoryi dla ŭsich rabotnikaŭ. Heta značyć, što mnohija rabotniki, u tym liku mašynisty, dyśpietčary i inšyja, straciać značnyja sumy — ad 250 da 500 rubloŭ i bolš.
Akramia hetaha, razhledžvajucca inšyja miery skaračeńnia vydatkaŭ, naprykład, skasavańnie materyjalnaj dapamohi da adpačynku i vypłat pry vychadzie na piensiju.
Pravodziacca i aptymizacyi štataŭ. Užo prachodzili skaračeńni na vialikich stancyjach, naprykład, skasavali pasady manieŭrovych dyśpietčaraŭ. Ich abaviazki pieradajucca dziažurnym pa stancyjach biez pavieličeńnia apłaty.
Štadleraŭskija ciahniki znoŭ vymušana mianiajuć na savieckija
Dakazali tolki, što namieśnik načalnika Biełčyhunki atrymaŭ siertyfikaty na 5500 rubloŭ. Ale ŭsio adno jamu śviecić 15 hadoŭ
Biełaruskaja čyhunka źbirajecca pravieści aptymizacyju štatu na 30%
Piensijaniery znoŭ zmohuć jeździć u elektryčkach za pałovu cany
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1010
Kamientary
a sabie načalnik nie skaračaje nadbaŭki?