Dakazali tolki, što namieśnik načalnika Biełčyhunki atrymaŭ siertyfikaty na 5500 rubloŭ. Ale ŭsio adno jamu śviecić 15 hadoŭ
Siarhieja Sizina buduć sudzić za atrymańnie nievialikaha chabaru. Ale pakolki jon uklučany ŭ uradavy kadravy rezierv, to heta ŭsio adno asabliva ciažkaje złačynstva.
U sud pieradali kryminalnuju spravu namieśnika načalnika Biełaruskaj čyhunki Siarhieja Sizina. Jaho abvinavačvajuć u atrymańni chabaru (častka 3 artykuła 430 KK), paviedamlaje pres-słužba Hienprakuratury.
Mužčynu aryštavali ŭ lipieni 2024 hoda. Nieviadoma, jakoje ŭ Sizina było startavaje abvinavačvańnie, ale da suda dajšoŭ tolki chabar na sumu 5500 rubloŭ — trochi bolš za $1500.
Jak śćviardžajecca, takuju drobnuju sumu — jak dla svajoj pasady — Sizin atrymaŭ za toje, što «abiacaŭ sadziejničać u praviadzieńni techničnych vyprabavańniaŭ i konkursnych pracedur pry zakupcy rejek, a taksama za zabiaśpiečvać svoječasovuju apłatu tavaraŭ».
Dla paraŭnańnia, pieršamu namieśniku Biełčyhunki Piatru Dułubu, pa mierkavańni siłavikoŭ, zapłacili $370 tysiač. A voś Sizinu — 5500 rubloŭ, dyj tyja nie hrašyma, a siertyfikatam na pakupku bytavoj techniki.
Adnak pakolki pasada namieśnika Biełčyhunki ŭvachodzić u kadravy rejestr Savieta ministraŭ, dziejańni Sizina kvalifikavanyja jak atrymańnie chabaru asobaj, jakaja zajmaje adkaznaje stanovišča. A značyć, jamu pahražaje ad 5 da 15 hadoŭ źniavoleńnia.
U krasaviku paviedamlałasia ab zatrymańni troch mieniedžaraŭ Biełaruskaj čyhunki. U kastryčniku minułaha hoda — ab zatrymańni jašče troch čałaviek z upraŭleńnia BČ i Centra kiravańnia pieravozkami.
Ciapier čytajuć
Ihar Tur patraciŭ minimum 30 tysiač na premijalnuju kuchniu FOTA16
Ihar Tur patraciŭ minimum 30 tysiač na premijalnuju kuchniu FOTA
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»22
Kamientary
Chotia pieried etim obŝak izjali v vidie naličnosti na v diesiať raz bolšije summy.
Bojuś, čto «obŝuju kassu» prosto konfiskujut i my nikohda nie uznajem, ċja ona była.