Jak dačka novaha prezidenta Polščy Karala Naŭrockaha stała zorkaj i skrała ŭvahu ŭsioj krainy
Pakul Karal Naŭrocki zmahaŭsia za kožny hołas u druhim tury prezidenckich vybaraŭ, jaho maleńkaja dačka Kasia biez zmahańnia zavajavała sercy palakaŭ. Dziaŭčynka na scenie pavodziła siabie tak naturalna i ščyra, što mienavita jana stała sapraŭdnym hierojem viečara.
Padčas mitynhu Karala Naŭrockaha, kali jašče ličylisia apošnija biuleteni i pavietra było napoŭniena napružańniem, adbyłasia niečakanaja, ale vielmi kranalnaja scena. Pobač z kandydatam stajała jaho siamja — žonka Marta, syny Antek i Daniel i dačka Kasia. I mienavita Kasia, maleńkaja dziaŭčynka ŭ ciomna-siniaj sukiency i z dvuma chvościkami, stała sapraŭdnaj zoračkaj viečara.
Kasiu litaralna raśpirali emocyi: jana śmiajałasia, razmachvała ručkami, kruciłasia, tancavała i ŭsioj svajoj dziciačaj niepasrednaściu kantrastavała z surjoznaściu sceny.
Dziaŭčynka była mała zacikaŭlena vystupam taty. Ale kali natoŭp pačaŭ skandavać jaje imia — «Kasia! Kasia!» — ščaście było napisana na jaje tvary. U toj čas, jak kraina čakała vynikaŭ, hledačy ŭžo mieli svajho pieramožcu.
Kamientary
Klovy prezident. Epocha trampizma nabiraje abaroty.
vnimanije uvaha , -hi
polzovaťsia vnimanijem — karystacca uvahaj
okazať vnimanije — akazać uvahu
byť v cientrie vnimanija — być u centry ŭvahi
obraŝať vnimanije — źviartać uvahu prinimať vo vnimanije — brać pad uvahu (na ŭvahu), zvažać na
ostaviť biez vnimanija — pakinuć biez uvahi
udielať vnimanije — addavać (udzialać) uvahu
privleċ vnimanije — pryciahnuć uvahu
Žonki i dzieci na vybarčych viečarach - heta narmalna, biez roźnicy na toj ci inšy palityčny bok. Heta prynamsi zrazumieła dla ludziej, jakim demakratyja nie čužaja. Naprykład Tšaskoŭski taksama ŭziaŭ žonku i dačku na vybarčy viečar.
Nu, ale kali "chejt" na dziaciej ličycca normaj siarod "talerantrnych i prahresiŭnych", bo tyja dzieci pravych palitykaŭ, tady nie dziva, što ludzi abirajuć "trampizm" ci inšych nie levych kandydataŭ.