Як дачка новага прэзідэнта Польшчы Караля Наўроцкага стала зоркай і скрала ўвагу ўсёй краіны
Пакуль Караль Наўроцкі змагаўся за кожны голас у другім туры прэзідэнцкіх выбараў, яго маленькая дачка Кася без змагання заваявала сэрцы палякаў. Дзяўчынка на сцэне паводзіла сябе так натуральна і шчыра, што менавіта яна стала сапраўдным героем вечара.
Падчас мітынгу Караля Наўроцкага, калі яшчэ лічыліся апошнія бюлетэні і паветра было напоўнена напружаннем, адбылася нечаканая, але вельмі кранальная сцэна. Побач з кандыдатам стаяла яго сям’я — жонка Марта, сыны Антэк і Даніэль і дачка Кася. І менавіта Кася, маленькая дзяўчынка ў цёмна-сіняй сукенцы і з двума хвосцікамі, стала сапраўднай зорачкай вечара.
Касю літаральна распіралі эмоцыі: яна смяялася, размахвала ручкамі, круцілася, танцавала і ўсёй сваёй дзіцячай непасрэднасцю кантраставала з сур'ёзнасцю сцэны.
Дзяўчынка была мала зацікаўлена выступам таты. Але калі натоўп пачаў скандаваць яе імя — «Кася! Кася!» — шчасце было напісана на яе твары. У той час, як краіна чакала вынікаў, гледачы ўжо мелі свайго пераможцу.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары
Клёвы прэзідэнт. Эпоха трампізма набірае абароты.
внимание увага , -гі
пользоваться вниманием — карыстацца увагай
оказать внимание — аказаць увагу
быть в центре внимания — быць у цэнтры ўвагі
обращать внимание — звяртаць увагу принимать во внимание — браць пад увагу (на ўвагу), зважаць на
оставить без внимания — пакінуць без увагі
уделять внимание — аддаваць (удзяляць) увагу
привлечь внимание — прыцягнуць увагу
Жонкі і дзеці на выбарчых вечарах - гэта нармальна, без розніцы на той ці іншы палітычны бок. Гэта прынамсі зразумела для людзей, якім дэмакратыя не чужая. Напрыклад Тшаскоўскі таксама ўзяў жонку і дачку на выбарчы вечар.
Ну, але калі "хэйт" на дзяцей лічыцца нормай сярод "талерантрных і прагрэсіўных", бо тыя дзеці правых палітыкаў, тады не дзіва, што людзі абіраюць "трампізм" ці іншых не левых кандыдатаў.