MZS Litvy nakiravała Biełarusi notu pratestu z-za rasijskaha drona
Ministerstva zamiežnych spraŭ Litvy 16 lipienia vyklikała časovaha pavieranaha ŭ spravach Biełarusi i ŭručyła jamu notu pratestu ŭ suviazi z zalotam 10 lipienia ź Biełarusi ŭ Litvu rasijskaha bieśpiłotnika «Hierbiera».
10 lipienia rasijski dron upaŭ na terytoryi Litvy. Ministerstva zamiežnych spraŭ Litvy nastojliva patrabuała ad Biełarusi jak maha chutčej pradstavić tłumačeńni adnosna hetaha incydentu i pryniać usie nieabchodnyja miery, kab u budučyni padobnyja incydenty nie paŭtaralisia.
Siońnia ŭ Siejmie Litvy adbudziecca zakrytaje pasiadžeńnie Kamiteta pa nacyjanalnaj biaśpiecy i abaronie, dzie abmiarkujuć incydent z dronam.
Rasijski bieśpiłotny aparat typu «Hierbiera» (imitacyja iranskaha Shahed-136, jaki vykarystoŭvajecca dla pierahruzki sistem supraćpavietranaj abarony) raźbiŭsia 10 lipienia kala 11:40 pa litoŭskim časie na terytoryi Litvy, u rajonie zakrytaha punkta propusku Šumskas, prykładna za 1 km ad miažy ź Biełaruśsiu.
Pavodle infarmacyi daśledčykaŭ, pierad padzieńniem dron supravadžaŭ viertalot Mi-35M Vajskova-pavietranych sił Biełarusi, jaki sprabavaŭ jaho źbić.
-
Viktar Łukašenka zaśviaciŭ na pasiadžeńni NAK svoj hadzińnik — ciažki luks
-
Viačorka: Cichanoŭskaja z Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy i spyniajucca minułyja
-
Što viadoma pra chakiejnaha sudździu, zatrymanaha pa padazreńni ŭ zabojstvie ciažarnaj minčanki
Ciapier čytajuć
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu66
Kamientary