Situacyja, znajomaja kožnamu: kuplajecie tavar, raźličvajeciesia najaŭnymi, a padčas atrymańnia rešty vam kažuć: «Kapiejek niama, budziem vinnyja».
Nakolki heta zakonna i ci abaviazany pakupnik nasić z saboj drabiazu? Onliner.by źviarnuŭsia pa tłumačeńnie da jurystki Taćciany Revinskaj, i voś što jana patłumačyła.
— Vydača rešty — abaviazak kasira, niezaležna ad sumy pakupki. Bolš za toje, kožny handlovy abjekt pavinien zahadzia vyznačyć i zabiaśpiečyć nieabchodny abjom raźmiennych hrošaj dla kasiraŭ. Heta praduhledžana Instrukcyjaj ab paradku viadzieńnia kasavych apieracyj, zaćvierdžanaj pastanovaj Nacbanka №472 ad 20.12.2023.
Kali ŭ kramie sistematyčna niama rešty i vam jaje nie vydajuć — heta nie prablema pakupnika. Pradaviec abaviazany viarnuć navat adnu kapiejku. U vypadku admovy — vy majecie prava patrabavać knihu zaŭvah i prapanoŭ.
Admova ŭ jaje pradastaŭleńni — užo parušeńnie, za jakoje krama moža panieści administracyjnuju adkaznaść.
Pakupnik taksama abaviazany sam pravieryć pravilnaść raźliku na miescy i, kali rešta nie była vydadziena całkam, maje prava patrabavać niedastajučuju sumu.
Ciapier čytajuć
Jak u halečy śpivałasia radnia Łukašenki? Małaviadomyja fakty15
Kamientary