Paśla piacimiesiačnaha pierapynku ŭ Biełarusi znoŭ pačnuć kursiravać tak zvanyja «haradskija elektryčki», ci ciahniki haradskich linij pa terminałohii Biełaruskaj čyhunki, piša Blizko.by.
Jašče ŭvosień minułaha hoda paviedamlałasia, što prajekt haradskich elektryčak u Minsku, jaki zapuścili 14 hadoŭ tamu, faktyčna byŭ spynieny biez aficyjnych tłumačeńniaŭ. Spačatku sučasnyja ciahniki Stadler pačali zamianiać starymi elektryčkami ER9, a paśla ruch uvohule admianili.
Na forumach źjaŭlałasia infarmacyja, što sastavy doŭhi čas stajali ŭ depo i nie vychodzili na liniju. Paźniej na Biełaruskaj čyhuncy paćvierdzili, što ciahniki znachodziacca na płanavym ramoncie.
Ciapier stała viadoma, što haradskija elektryčki viartajucca ŭ raskład, ale pakul tolki na maršrucie Minsk — Biełaruś (stancyja ŭ Zasłaŭi). U pieršyja dni zapłanavana pa šeść par ciahnikoŭ, a paźniej — pa siem. Ruch budzie ažyćciaŭlacca z 5‑j ranicy da 10‑j viečara.
Pry hetym adznačajecca, što na hety momant nabyć kvitki anłajn pakul niemahčyma.
Biełaruskaja čyhunka źbirajecca zamović u Stadler 65 ciahnikoŭ. Ale šviejcarcy kazali, što zavod u Fanipali staić biez pracy
Štadlery źniali z papularnaha maršrutu Minsk — Zasłaŭje
Biełčyhunka patłumačyła, čamu źniali «Štadlery» z haradskich maršrutaŭ
Kampanija Stadler admoviłasia pastavić ciahniki Biełaruskaj čyhuncy
Kamientary