Пасля пяцімесячнага перапынку ў Беларусі зноў пачнуць курсіраваць так званыя «гарадскія электрычкі», ці цягнікі гарадскіх ліній па тэрміналогіі Беларускай чыгункі, піша Blizko.by.
Яшчэ ўвосень мінулага года паведамлялася, што праект гарадскіх электрычак у Мінску, які запусцілі 14 гадоў таму, фактычна быў спынены без афіцыйных тлумачэнняў. Спачатку сучасныя цягнікі Stadler пачалі замяняць старымі электрычкамі ЭР9, а пасля рух увогуле адмянілі.
На форумах з’яўлялася інфармацыя, што саставы доўгі час стаялі ў дэпо і не выходзілі на лінію. Пазней на Беларускай чыгунцы пацвердзілі, што цягнікі знаходзяцца на планавым рамонце.
Цяпер стала вядома, што гарадскія электрычкі вяртаюцца ў расклад, але пакуль толькі на маршруце Мінск — Беларусь (станцыя ў Заслаўі). У першыя дні запланавана па шэсць пар цягнікоў, а пазней — па сем. Рух будзе ажыццяўляцца з 5‑й раніцы да 10‑й вечара.
Пры гэтым адзначаецца, што на гэты момант набыць квіткі анлайн пакуль немагчыма.
Беларуская чыгунка збіраецца замовіць у Stadler 65 цягнікоў. Але швейцарцы казалі, што завод у Фаніпалі стаіць без працы
Штадлеры знялі з папулярнага маршруту Мінск — Заслаўе
Белчыгунка патлумачыла, чаму знялі «Штадлеры» з гарадскіх маршрутаў
Кампанія Stadler адмовілася паставіць цягнікі Беларускай чыгунцы
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары