Ceny na kłubnicy ŭpali jašče bolš. A što ź jabłykami, śviežaj radyskaj i zielaninaj? Kolki na Kamaroŭcy što kaštuje
Śviežyja sałaty i hreckija kłubnicy abiacajuć stać takimi ž zvykłymi stravami vielikodnaha stała, jak bułki i jajki. Pierad Vialikadniem na Kamaroŭskim rynku ŭ Minsku kłubnicy pradavali ŭžo pa 10 rubloŭ za 1 kh, značna patańnieła i radyska, piša Smartpress.by.
Kłubnic dastatkova šmat, usia jahada bujnaja, jarka-čyrvonaja, u łatkach i na vahu. Na smak — nie vadzianistaja, choć i nie maje taho sałodka-siezonnaha smaku i vodaru, jak chatniaja biełaruskaja kłubnica, jakaja źjaŭlajecca zvyčajna ŭ druhoj pałovie červienia.
Ale i hreckija ŭ krasaviku zapatrabavanyja. Jany i pryhožyja, i sakavityja, i ŭžo całkam dastupnyja — cana na kłubnicy apuściłasia da 10‑12 rubloŭ za 1 kh.
A voś bujaki, padzieńnie koštu jakich tak radasna praanansavaŭ Smartpress.by raniej, prypynilisia ŭ canie, jana navat znoŭ dzie-nidzie padniałasia. Jak i ŭ sakaviku, ich pierad Vialikadniem prapanujuć kupić za 80‑120 rubloŭ za 1 kh. Bujnyja, adbornyja, vonkava šykoŭnyja — ale nie ŭsim pa kišeni.
Z sadaviny dobryja jabłyki (2‑6 rubloŭ za 1 kh), hrušy (5‑7 rubloŭ za 1 kh), apielsiny, mandaryny (3‑8 rubloŭ za 1 kh), ślivy (3‑5 rubloŭ za 1 kh) i vinahrad (4‑15 rubloŭ za 1 kh).
Asobnaja ŭvaha — da radyski i śviežaj zielaniny. Kali zusim niadaŭna radyska pradavałasia tolki ŭ niekalkich punktach na ŭsim rynku, to zaraz radys kidajecca ŭ vočy. Vialikija kučy na pryłaŭkach, jaho možna pamacać i navat pakaštavać. Pa canie rozny — ad 4 da 10 rubloŭ za 1 kh.
— Nie chvalujciesia, nie zaviałaja, — apraŭdvajucca pradaŭcy, adkazvajučy na ździŭlenyja pytańni pakupnikoŭ pra tanny košt na radysku. — Prosta na smak krychu inšaja, čym taja, što pobač, za 8 rubloŭ. Taja, što za 4 rubli, taki ž sakavitaja — prosta nie nastolki sałodkaja. Chočacie pakaštavać?
Śviežaja zielanina tradycyjna pradajecca pa 1, 5‑3 rubli za 100 hram, mienš raspaŭsiudžanyja kinza, rukała, špinat — pa 4‑5 rubloŭ.
Kamientary