Prezident ZŠA Donald Tramp padčas samitu «Vialikaj siamiorki» (G7) u Francyi zaklikaŭ Rasiju zaklučyć pahadnieńnie ab spynieńni vajny suprać Ukrainy, paviedamlaje Bloomberg. Pavodle jaho słoŭ, paśla taho jak situacyja vakoł Irana adyšła na druhi płan, jon maje namier znoŭ zasiarodzicca na pošuku šlachoŭ urehulavańnia rasijska-ŭkrainskaha kanfliktu
«Rasija pavinna zaklučyć ździełku», — zajaviŭ Tramp.
Jon adznačyŭ, što Rasija paniesła vielizarnyja čałaviečyja straty, ale praciahvaje bajavyja dziejańni i hublaje svaich vajskoŭcaŭ.
Tramp pryznaŭ, što raniej ličyŭ spynieńnie vajny va Ukrainie adnosna prostaj zadačaj, adnak na praktycy heta akazałasia značna składaniej. Jon padkreśliŭ, adnak, što praciahnie prykładać namahańni dla dasiahnieńnia mirnaha pahadnieńnia.
Padčas samitu Tramp sustreŭsia z prezidentam Ukrainy Uładzimiram Zialenskim. Raniej na svoj 80‑hadovy jubilej jon taksama pravioŭ telefonnyja razmovy jak ź Zialenskim, tak i z prezidentam Rasii Uładzimiram Pucinym.
Lidary krain G7 abmiarkoŭvali nieabchodnaść uzmacnieńnia cisku na Rasiju i dalejšaj padtrymki Ukrainy. Premjer-ministr Vialikabrytanii Kir Starmier adznačyŭ, što sajuźniki zachoŭvajuć adzinstva i ličać, što Ukraina zdolnaja nie tolki abaraniacca, ale i nanosić rasijskim vojskam istotnyja straty.
Tramp taksama źviarnuŭ uvahu na vialikija čałaviečyja straty z abodvuch bakoŭ kanfliktu, adznačyŭšy, što vajna zabiraje žyćci tysiač ludziej i zastajecca adnoj z najbujniejšych vojnaŭ u Jeŭropie z časoŭ Druhoj suśvietnaj vajny.
Zialenski: Tramp pazityŭna pastaviŭsia da prośby Ukrainy dać licenzii na vytvorčaść antybalistyčnych rakiet
Tramp zajaviŭ, što paśla Irana zasiarodzicca na vajnie va Ukrainie
Zamiest bankietu — turnir źmiešanych adzinaborstvaŭ. Jak Tramp adznačyŭ 80‑hodździe
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami11
Kamientary
Možiet i nie tak płocho było by, jeśli by etot pień našieł siebie kakoje-to druhoje zaniatija - Kuba, Hrienłandija, da choť Łuna ili Mars. Inačie kak vsiehda vsie prievratit v h...