Zamiest bankietu — turnir źmiešanych adzinaborstvaŭ. Jak Tramp adznačyŭ 80‑hodździe

Śviatkavańnie pačałosia ź simvaličnaha vychadu Donalda Trampa i kiraŭnika UFC Dany Uajta z Avalnaha kabinieta na bałkon Błakitnaj zały Biełaha doma. Hledačy sustreli ich skandavańniem «USA! USA!». Paśla hetaha startavaŭ turnir UFC Freedom 250, prymierkavany adnačasova da 80‑hodździa amierykanskaha prezidenta i 250‑hodździa padpisańnia Dekłaracyi niezaležnaści ZŠA.

Pavialičyć

Na Paŭdniovym łužku Biełaha doma dla hetaj nahody ŭźviali časovuju arenu z vaśmikutnym rynham — aktahonam.

Pavialičyć

Adnoj z najbolš niezvyčajnych detalaŭ mierapryjemstva staŭ vychad bajcoŭ: pierad hałoŭnymi pajadynkami jany prachodzili praz budynak Biełaha doma i ŭžo adtul nakiroŭvalisia da aktahona.

Pavialičyć

Pavodle arhanizataraŭ, na mierapryjemstvie prysutničali bolš za čatyry tysiačy haściej. Siarod ich byli siamiejniki Trampa, pradstaŭniki biznesu, palityki i znakamitaści. Arhanizacyjaj šou zajmaŭsia kiraŭnik UFC Dana Uajt, daŭni sajuźnik i asabisty znajomy Trampa.

Atmaśfiera viečara była nasyčanaja patryjatyčnaj simvolikaj. Arkiestr marskoj piachoty vykonvaŭ muzyčnyja temy dla vychadu bajcoŭ, a kantry-śpiavak Zak Braŭn vykanaŭ dziaržaŭny himn ZŠA. Uračystaść supravadžaŭ pakazalny pralot samalotaŭ piłatažnych hrup Blue Angels i Thunderbirds.

Pavialičyć

Centralnaj padziejaj viečara staŭ turnir UFC ź sieryjaj prafiesijnych pajadynkaŭ. Adkryvaŭ prahramu boj pamiž brazilcam Dyjeha Łopiesam i amierykancam Styvam Harsijaj. Niahledziačy na niaŭdały pačatak, Łopies u druhim raŭndzie adpraviŭ spabornika ŭ nakaŭt i zdabyŭ adnu z najbolš jarkich pieramoh viečara.

Pavialičyć

Hałoŭnym pajadynkam staŭ čempijonski boj pamiž amierykancam Džaścinam Hejdžy i ispana-hruzinskim bajcom Ilijaj Tapuryjaj, u jakim pieramoh Hejdžy.

Pavialičyć

U pajadynku ciažkavikoŭ francuz Sirył Han pieramoh brazilca Aleksa Pierejru.

Pavialičyć

Tramp naziraŭ za bajami niepasredna kala aktahona razam z Danaj Uajtam, svaimi siamiejnikami i inšymi haściami. Jak piša Assosiatied Press, jon uvažliva sačyŭ za chodam sustreč, plakaŭ udałym epizodam i čas ad času abmiarkoŭvaŭ padziei z kiraŭnikom UFC. Paśla treciaha boju hledačy praśpiavali prezidentu «Happy Birthday».

Pavialičyć

Pa infarmacyi SNN, siarod haściej byŭ zaŭvažany zasnavalnik Meta Mark Cukierbierh, jaki apošnija hady aktyŭna zajmajecca bajavymi mastactvami i rehularna naviedvaje turniry UFC. Taksama na mierapryjemstvie prysutničaŭ hienieralny dyrektar miedyjakampanii Paramount Skydance Devid Elisan. Dla najbolš zamožnych naviedvalnikaŭ prapanoŭvalisia śpiecyjalnyja VIP-pakiety koštam da 1,5 miljona dalaraŭ, jakija ŭklučali dostup da turniru i šerah zakrytych mierapryjemstvaŭ.

Pavialičyć

Śviatkavańnie vyklikała nieadnaznačnuju reakcyju. The Guardian adznačaje, što napiaredadni mierapryjemstva kala Biełaha doma prajšli akcyi pratestu. Krytyki śćviardžali, što praviadzieńnie kamiercyjnaha spartyŭnaha šou na terytoryi prezidenckaj rezidencyi vyhladaje niedarečna i stvaraje pytańni adnosna vykarystańnia dziaržaŭnaj majomaści.

Pavialičyć

Arhanizatary i Bieły dom adchilali hetyja pretenzii, padkreślivajučy, što turnir byŭ pryśviečany nie tolki jubileju Trampa, ale i budučamu 250‑hodździu niezaležnaści Złučanych Štataŭ.

Pavialičyć

Pavodle Nacyjanalnaj parkavaj słužby ZŠA, jakaja kiruje terytoryjaj Paŭdniovaha łužku, na budaŭnictva časovaj areny było vydatkavana bolš za 60 miljonaŭ dalaraŭ. UFC zajaviła, što ŭziała hetyja vydatki na siabie. Kiraŭnik arhanizacyi Dana Uajt paśla pryznaŭ, što maštab prajekta, jaho košt i składanaści z arhanizacyjaj zrabili šou faktyčna ŭnikalnym. «Heta bolš nikoli nie paŭtorycca. Ja nie mahu sabie hetaha dazvolić», — skazaŭ jon paśla turniru.

• 3
• 0
• 0
• 3
• 0
• 0
• 0
• 0