Paśla zakančeńnia apieracyi ŭ Iranie i zaklučeńnia miru pamiž Vašynhtonam i Tehieranam Bieły dom nakiruje namahańni na prypynieńnie vajny Rasii i Ukrainy, zajaviŭ prezident ZŠA Donald Tramp.
«Ciapier, kali z [kanfliktam u Iranie] skončana, my źbirajemsia zasiarodzicca na hetym. Pahladzim, ci zmožam my heta vyrašyć», — skazaŭ amierykanski prezident padčas pres-kanfierencyi na samicie «Vialikaj siamiorki» (G7), jaki adkryŭsia ŭ paniadziełak u francuzskim Evijan-le-Bienie.
Pavodle słoŭ Trampa, napiaredadni ŭ jaho adbylisia «vielmi dobryja» telefonnyja razmovy z prezidentami Ukrainy i Rasii Uładzimiram Zielenskim i Uładzimiram Pucinym.
«I mnie zdajecca, mahčyma, my zmožam niešta zrabić i ŭ hetym pytańni. Ja sapraŭdy tak dumaju. Ja miarkuju, što abodva [lidary] adkrytyja dla hetaha», — zajaviŭ kiraŭnik Biełaha doma.
Jon taksama skazaŭ, što padčas rasijskaha ŭvarvańnia štomiesiac hinuć «dvaccać piać tysiač čałaviek — u asnoŭnym sałdaty». «I hetaha nie pavinna adbyvacca. Ale ŭčora ŭ mianie byli dźvie vielmi dobryja razmovy. My jašče budziem heta abmiarkoŭvać», — dadaŭ Tramp.
14 červienia Pucin patelefanavaŭ Trampu i pavinšavaŭ jaho z 80-hodździem, paśla čaho raskazaŭ pra pośpiechi rasijskaha vojska va Ukrainie.
Zamiest bankietu — turnir źmiešanych adzinaborstvaŭ. Jak Tramp adznačyŭ 80‑hodździe
Zialenski prapanavaŭ Pucinu sustreču padčas samitu G7
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
Łukašenka pavinšavaŭ Trampa z dniom naradžeńnia. Što pažadaŭ?
Kamientary