Pryščepki ad hrypu možna zrabić užo amal miesiac, ale vakcyny pakul tolki rasijskija
U Biełarusi pakul niama jeŭrapiejskich vakcyn ad hrypu — francuzskaha «Vaksihrypu» i niderłandskaha «Influvaka». U šerahu dziaržaŭnych paliklinik prapanujuć tolki rasijski preparat «Hrypoł plus», a pryvatnyja miedycynskija centry ŭ niekatorych vypadkach uvohule prypynili vakcynacyju ŭ čakańni impartnych pastavak, daviedaŭsia «Biełsat».
Pra adsutnaść jeŭrapiejskich vakcyn «Biełsat» daviedaŭsia ŭ niekalkich biełaruskich miedustanovach. Niahledziačy na toje, što Ministerstva achovy zdaroŭja Biełarusi abviaściła pra pačatak kampanii vakcynacyi jašče 1 kastryčnika, u pacyjentaŭ pakul niama mahčymaści vybrać pamiž rasijskim i jeŭrapiejskim preparatami.
U Bresckaj centralnaj paliklinicy paćvierdzili, što francuzskaj i niderłandskaj vakcyn pakul niama. Miedustanova prapanuje tolki rasijskija preparaty jak ad hrypu, tak i ad karanavirusa.
Padobnaja situacyja skłałasia i ŭ minskaj paliklinicy № 16. Tam dla biaspłatnaj vakcynacyi vykarystoŭvajuć «Hrypoł». Pa słovach supracoŭnikaŭ ustanovy, francuzskaja i niderłandskaja vakcyny pakul nie pastupili, tamu miedyki čakajuć pastavak i praciahvajuć pryščaplać ludziej rasijskim preparatam.
Jak paviedamlaje Tochka.by, u šerahu dziaržaŭnych miedustanoŭ taksama jość tolki «Hrypoł plus». Pryvatnyja miedycynskija centry «Łade», «Haryzont» i «Ekamiedsiervis» pakul nie pravodziać vakcynacyju praz adsutnaść jeŭrapiejskich preparataŭ.
U miedcentry «Haryzont» raźličvajuć atrymać jeŭrapiejskija vakcyny nie raniej za 26 kastryčnika. U dźviuch inšych ustanovach nie zmahli nazvać terminy pačatku vakcynacyi.
Na haračaj linii Ministerstva achovy zdaroŭja paviedamili, što płatnyja vakcyny pavinny źjavicca prykładna praz adzin-dva tydni.
Pry hetym samo ministerstva nazyvaje kastryčnik aptymalnym časam dla pryščepki ad hrypu i raić nie adkładać vakcynacyju da listapada.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary