Minski płanietaryj na čas ramontu pierajechaŭ z parku imia Horkaha ŭ Nacyjanalnuju biblijateku Biełarusi. Kab naviedać pakazy filmaŭ na novym miescy, ciapier nieabchodna zahadzia zapisacca i mieć čytacki bilet biblijateki, paviedamlaje News.by.
U biblijatecy kamanda płanietaryja zapuściła lektoryj pra pošuki pazaziamnoha žyćcia ŭ miežach sumiesnaha prajekta «Papularnaja astranomija». Pakazy filmaŭ «Ekzapłaniety» i «Pošuki žyćcia ŭ Suśviecie» vyklikali vialikuju cikavaść: kolkaść achvotnych pieravysiła ŭmiaščalnaść zały. Tamu arhanizatary ŭviali papiaredni zapis.
Ramont płanietaryja staŭ častkaj rekanstrukcyi kompleksu budynkaŭ u parku imia Horkaha. Z pačatku 2026 hoda ŭstanova nie pracuje ŭ svaim zvykłym budynku.
Prajekt madernizacyi praduhledžvaje poŭnaje techničnaje pieraabstalavańnie, zamienu inžyniernych sietak, abnaŭleńnie fasadaŭ i interjeraŭ.
Pavodle vizualizacyj prajekta, budynak zachavaje rysy savieckaha kanstruktyvizmu — vyraznyja vuhłavatyja linii i vialikija vokny. Taksama płanujecca ŭstalavać nieonavuju šyldu, jakaja budzie adpaviadać ahulnaj stylistycy.
Dakładnaja data adkryćcia Minskaha płanietaryja paśla rekanstrukcyi pakul nie paviedamlajecca.
Kamientary