«Nas zabili». «Novaja hazieta» abviaściła pra spynieńnie pracy ŭ Rasii
«9 listapada my pahasim śviatło ŭ našym domie, dzie pražyli 30 hadoŭ, vyklučym sierviery i sydziem», — havorycca ŭ zajavie haziety, jakaja jašče zdoleła pracavać u Rasii ŭ nadzvyčaj ciažkich umovach.
Vydańnie «Novaja hazieta» abviaściła pra spynieńnie pracy ŭ Rasii;
U 2023 hodzie Raskamnahlad aficyjna anulavaŭ paśviedčańnie ab rehistracyi hetaha ŚMI. Sioleta Ministerstva justycyi pryznała «Novuju hazietu» zamiežnym ahientam, i vydańnie nie moža praciahvać dziejnaść u Rasii.
«9 listapada my pahasim śviatło ŭ našym domie, dzie pražyli 30 hadoŭ, vyklučym sierviery i sydziem. Haziety bolš niama. Rasijskija ŭłady i rasijskija śpiecsłužby prymusili redakcyju spynić pracu», — havorycca ŭ zajavie vydańnia.
«Tryccać z hakam hadoŭ žyćcia razam z krainaj i jaje hramadzianami skončacca dla nas na vulicy, biez srodkaŭ da isnavańnia, pad pastajannaj pahrozaj represij.
Našy hady žyćcia byli ščaślivymi — dziakujučy tvorčaści i nadziejam, čytačam, siabram, tekstam, filmam. Časam hetyja hady byli adčajna horkimi.
Horkimi, tamu što mienavita za čas kiravańnia hetaha režymu, a nie ŭ bandyckija 90-ja, pa palityčnych matyvach, za vykanańnie svajho prafiesijnaha i hramadzianskaha abaviazku byli zabityja našy kalehi: Ihar Domnikaŭ, Juryj Ščakacichin, Hanna Palitkoŭskaja, Stas Markiełaŭ, Anastasija Baburava, Natalla Estemirava.
Adnačasova ź listom ab vysialeńni była adklučanaja sistema danataŭ, jakaja dazvalała nam atrymlivać achviaravańni ad našych čytačoŭ. Heta značyć, nas pazbavili srodkaŭ. Uvohule.
Heta — skaardynavanaja akcyja. Nikoha nie pierakanajuć apraŭdańni bankaŭ, što jany robiać heta, kirujučysia ŭnutranymi karparatyŭnymi praviłami. Heta — źniešnija praviły, ustanoŭlenyja represiŭnym dziaržaŭnym aparatam, supracoŭnikami FSB, jakija pranikli pad dach kožnaj arhanizacyi. Jany ličać krainu svajoj ułasnaściu.
Paśla pačatku vajennych dziejańniaŭ nas, jak i ŭsich inšych žurnalistaŭ, pazbavili mahčymaści havaryć pra samyja važnyja i trahičnyja padziei sučasnaści. Byli pryniatyja zakony, jakija viarnuli ŭ krainu cenzuru. Potym hetaja cenzura raspaŭsiudziłasia praktyčna na ŭsie śfiery čałaviečaha žyćcia.
Ułady zabłakavali ŭsie našy internet-resursy. Dziaržava adabrała ŭ nas drukarniu, a supracoŭniki śpiecsłužbaŭ i cenzary, jakija zasieli ŭ inšych drukarniach, admaŭlalisia drukavać našu hazietu. Mnohija našy supracoŭniki byli vymušanyja źjechać z krainy.
Potym dziaržava pazbaviła nas rehistracyi ŚMI, adabraŭšy prava zarablać svajoj pracaj.
Na hałoŭnaha redaktara, łaŭreata Nobieleŭskaj premii miru Dźmitryja Muratava byŭ ździejśnieny napad, u vyniku jakoha jon ledź nie straciŭ zrok. Kryminalnuju spravu ŭzbudžać nie stali, choć złačyncy viadomyja.
Potym našych žurnalistaŭ pačali abviaščać «zamiežnymi ahientami», pačaŭšy z hałoŭnaha redaktara.
Zatym suprać kiraŭnictva redakcyi zavodzili administracyjnyja spravy.
U Čačni vykrali i źbili da paŭśmierci našu ahladalnicu Alenu Miłašynu.
Uziali ŭ zakładniki šef-redaktara haziety Aleha Rałduhina, abvinavaciŭšy jaho ŭ tym, što jon pracavaŭ žurnalistam. Nieŭzabavie sud.
U redakcyi «Novaj haziety» prajšoŭ šmathadzinny pieratrus, pieratrus adbyŭsia i ŭ kvatery hałoŭnaha redaktara.
U vieraśni hetaha hoda ŭsiu redakcyju abviaścili «inšaahientam», uniosšy ŭ śpisy bolš za sto čałaviek: žurnalistaŭ i aŭtaraŭ.
Amal piać hadoŭ vajny my zdoleli prapracavać u hłuchim atačeńni śpiecsłužbaŭ.
I voś ciapier — usio. My apynulisia ŭ «kił-zonie», — piša vydańnie.
Što praŭda, sajty «Novaj haziety» dziejničajuć.
Jość «Novaja hazieta Jeŭropa», «Novaja hazieta Bałtyja».
-
Baćki z Kremnijevaj daliny płaciać pa $60 tysiač za škoły biez hadžetaŭ. Čamu jany nie chočuć dla svaich dziaciej technałohij, jakija sami stvarajuć?
-
Prezident Finlandyi raskazaŭ, jakija pasłańni ad Ukrainy pieradaŭ Pucinu padčas razmovy ź im
-
Amierykaniec dva miesiacy nasiŭ u kašalku łatarejny bilet, nie viedajučy, što jon vyjhraŭ miljon
Kamientary