РТБД начинает трансляцию своих выступлений онлайн, «учитывая сегодняшнюю ситуацию»
Абвестка пра гэта з'явілася на сайце Рэспубліканскага тэатра беларускай драматургіі. Пры гэтым тэатр, як і іншыя ўстановы культуры, ні словам не ўзгадвае пра пандэмію каранавіруса.
«Улічваючы сённяшнюю сітуацыю, мы падрыхтавалі падарунак усім прыхільнікам нашага тэатра, каб «даставіць» сапраўдныя эмоцыі ў кожны дом.
10 дзён у кампаніі РТБД, любімых акцёраў і знакавых спектакляў спецыяльна для вас на нашым youtube-канале.
Каб нічога не прапусціць, захоўвайце наш расклад і стаўце «напаміналкі» на youtube (кнопка «напомнить»):
27.03 у 19.00 — спектакль «Адвечная песня»
28.03 у 19.00 — спектакль «Адэль»
29.03 у 19.00 — спектакль «Жанчыны Бергмана»
30.03 у 14.00 — спектакль «Айбаліт, Бармалей, пра жывёл i брадвей»
31.03 у 19.00 — спектакль «Сталіца Эраўнд»
01.04 у 19.00 — спектакль «Мiстэр Розыгрыш»
02.04 у 19.00 — спектакль «Неба ў дыяментах»
03.04 у 19.00 — спектакль «Раскiданае гняздо»
04.04 у 19.00 — спектакль «Дажыць да прэм’еры»
05.04 у 19.00 — спектакль «Любоў людзей»
Да сустрэчы ў эфіры!»
Раней з аналагічнымі прыгожымі ініцыятывамі выступілі Тэатр імя Янкі Купалы і Нацыянальны мастацкі музей краіны.
Мастацкі музей, да прыкладу, пачаў відэатрансляцыі сваіх традыцыйных экскурсій. Яны адбываюцца на выхадных, вядуць іх найлепшыя мастацтвазнаўцы краіны.
«У любой сітуацыі заўсёды можна знайсці станоўчыя моманты…» — так пачынаецца паведамленне ў фэйсбуку музея. Гэтая дзяржаўная ўстанова, аднак, ні словам не згадвае пра пандэмію, якая змусіла мільёны людзей у свеце абмежаваць свой выхад у людзі.
Гэта можа азначаць, што ўстановам культуры краіны рэкамендавана ажыццявіць некаторыя каранцінныя меры без афіцыйнага абвяшчэння пра тое, што гэта звязана з эпідэміялагічнай сітуацыяй.
Учора Брэсцкі драматычны тэатр абвясціў пра адмену спектакляў на вялікай сцэне да канца сакавіка. У той жа час спектаклі на малой сцэне застаюцца. Пра гэта паведамляецца на старонцы тэатра ў фэйсбуку.
Брэсцкі тэатр лялек перанёс усе раней заяўленыя спектаклі «ў мэтах прафілактыкі». Пра гэта ён паведаміў у сваёй групе ўкантакце.
У Беларусі, у адрозненне ад большасці еўрапейскіх краін, меры строгага каранціну не прынятыя. У той жа час медыкі заклікалі людзей старэйшага ўзросту, пры магчымасці, пабыць у самаізаляцыі.
Сейчас читают
«Дима, мой микроскоп за полмиллиона евро стоит в твоей клинике. Оборудование украл ты». Основатель «Нового зрения» рассказал об отношениях с семьей Абельских17
«Дима, мой микроскоп за полмиллиона евро стоит в твоей клинике. Оборудование украл ты». Основатель «Нового зрения» рассказал об отношениях с семьей Абельских
«К лейтенанту приехала молодая жена, увидела, что происходит в зоне, и застрелилась». Вышла заключительная часть воспоминаний Григория Березкина о ГУЛАГе и советском Минске1818
Комментарии